സുല്‍ത്താന്‍ബത്തേരി: വയനാട്ടില്‍ നിയന്ത്രണം വിട്ട ഓട്ടോറിക്ഷ മറിഞ്ഞ് ഒമ്പതുവയസുകാരിക്ക് ദാരുണാന്ത്യം. സുല്‍ത്താന്‍ബത്തേരി കുപ്പാടി വേങ്ങൂര്‍ പല്ലാട്ട് ഷംസുദ്ദീന്‍ – നസീറ ദമ്പതികളുടെ മകള്‍ സന ഫാത്തിമ (9)യാണ് മരിച്ചത്. മൂലങ്കാവ് ഹയര്‍ സെക്കൻഡറി സ്‌കൂളിലെ നാലാം ക്ലാസ് വിദ്യാര്‍ഥിനിയാണ് സന ഫാത്തിമ.ബത്തേരി കുപ്പാടി മൂന്നാംമൈലില്‍ ഫോറസ്റ്റ് സ്റ്റേഷന് മുന്നില്‍ ബുധനാഴ്ച രാവിലെ ആറരയോടെയാണ് അപകടമുണ്ടായത്. മുട്ടിലിലുള്ള നസീറയുടെ വീട്ടില്‍ നിന്നും വേങ്ങൂരിലെ വീട്ടിലേക്ക് വരുമ്പോഴാണ് അപകടമുണ്ടായത്. പരിക്കേറ്റ സന ഫാത്തിമയെ സുല്‍ത്താന്‍ബത്തേരിയിലെ സ്വകാര്യ ആശുപത്രിയിലാണ് ആദ്യമെത്തിച്ചത്. പിന്നീട് മേപ്പാടിയിലെ സ്വകാര്യ മെഡിക്കല്‍ കോളേജ് ആശുപത്രിയിലേക്ക് കൊണ്ടുപോകും വഴിയാണ് മരണം സംഭവിച്ചത്.സന ഫാത്തിമയോടൊപ്പം മാതാവ് നസീറ, സഹോദരി സിയാ ഫാത്തിമ, നസീറയുടെ പിതാവ് എന്നിവരാണ് ഓട്ടോയില്‍ ഉണ്ടായിരുന്നത്. അപകടത്തില്‍ നസീറക്കും പിതാവിനും പരുക്കേറ്റു. നസീറയുടെ സഹോദരന്‍ റിയാസായിരുന്നു ഓട്ടോറിക്ഷ ഓടിച്ചിരുന്നത്. സിനാനാണ് മരിച്ച സന ഫാത്തിമയുടെ സഹോദരന്‍.
www.mediawings.in
