തിരുവനന്തപുരം: തലസ്ഥാനത്ത് വീണ്ടും കൊലപാതകം. മദ്യപിച്ചിരിക്കുന്നതിനിടെ ഉണ്ടായി വഴക്കിൽ അനുജൻ ജ്യേഷ്ഠനെ കുത്തിക്കൊന്നു. പുല്ലാട്ടുകരി സ്വദേശി രാജുവാണ് (42) മരിച്ചത്. അനുജൻ രാജനെ പോലീസ് കസ്റ്റഡിയിലെടുത്തു. തിരുവനന്തപുരം കഴക്കൂട്ടത്തെ വീട്ടിലാണ് സംഭവം നടന്നത്. കഴക്കൂട്ടം പുല്ലാട്ടുകരി കോളനിയിലാണ് ഒരുമിച്ചുള്ള മദ്യപാനത്തിനിടെ ഉണ്ടായ വാക്കുതർക്കത്തെ തുടർന്ന് അനുജൻ ജ്യേഷ്ഠനെ കുത്തിയത്.ഇരുവരും മദ്യപിച്ച് വഴക്കിടുന്നത് പതിവായിരുന്നുവെന്ന് നാട്ടുകാർ പറയുന്നു. ഇന്നലെ രാത്രി 11 മണിയോടെയാണ് വഴക്ക് തുടങ്ങിയത്. ഇവർ സ്ഥിരമായി വഴക്കടിക്കുന്നതിനാൽ അയൽവാസികൾ ശ്രദ്ധിച്ചതുമില്ല. ഓട്ടോ ഡ്രൈവറായ രാജയുടെ വാഹനത്തിലാണ് രാജുവിനെ ആശുപത്രിയിലെത്തിച്ചത്. മരിച്ചെന്ന് ഉറപ്പായാതോടെ ഇയാളെ പോലീസ് കസ്റ്റഡിയിൽ എടുക്കുകയായിരുന്നു.ഒറ്റ തവണ മാത്രമേ രാജുവിന് കുത്തേറ്റിട്ടുള്ളൂ. പക്ഷേ, അത് നെഞ്ചിൽ ആഴത്തിലുള്ളതായിരുന്നു. ഇതാണ് മരണ കാരണം. നാട്ടുകാർ വിവരമറിയിച്ചതിനെ തുടർന്ന് സ്ഥലത്തെത്തിയ പോലീസ് രാജുവിനെ തിരുവനന്തപുരം മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മദ്യ ലഹരിയിൽ തന്നെയാണ് രാജ കുത്തിയതെന്നാണ് പോലീസിന്റെ പ്രാഥമിക നിഗമനം.
www.mediawings.in
മദ്യപിച്ച് വഴക്കിടുന്നത് പതിവ്, ആ വഴക്കിൽ അവസാനിച്ചത് ഒരു ജീവനും, തിരുവനന്തപുരത്ത് ജ്യേഷ്ഠനെ കുത്തിക്കൊന്നു
