ബൂത്ത് പിടിത്തമൊന്നും നടന്നിട്ടില്ല. കുന്നത്ത് നാട്ടിലെ ഈ ബൂത്തിൽ രാവിലെ തന്നെ വോട്ടെടുപ്പ് കഴിഞ്ഞു, 100 % പോളിങ്ങും.
കുന്നത്ത് നാട്ടിൽ കൊച്ചി-ധനുഷ്കോടി ഹൈവേയ്ക്കരുകിൽ സാൽ‌വേഷൻ ആർമി നടത്തുന്ന കുഷ്ഠ രോഗ കേന്ദ്രത്തിലാണ് ബൂത്ത് സജ്ജീകരിച്ചിരിക്കുന്നത്. ആകെ അഞ്ച് വോട്ടർമാർ, സാനറ്റോറിയത്തിലെ നാല് താമസക്കാരും അഡ്മിനിസ്ട്രേറ്റീവ് സ്റ്റാഫിലെ ഒരു അംഗവും. അവർ രാവിലെ തന്നെ വോട്ട് രേഖപ്പെടുത്തി.
200 ഓളം പേരെ സാനറ്റോറിയത്തിൽ പാർപ്പിച്ചിരുന്നപ്പോൾ ഒരു പ്രത്യേക ബൂത്തിനുള്ള ക്രമീകരണങ്ങൾ ഏർപ്പെടുത്തിയതായിരുന്നു. അതിനുശേഷം നിരവധി താമസക്കാർ ഒന്നുകിൽ മാറിത്താമസിക്കുകയോ മരണപ്പെടുകയോ ചെയ്തുവെന്ന് പ്രിസൈഡിംഗ് ഓഫീസർ ആനി റോബി പറഞ്ഞു.
