ട്വന്റി-20 ലോകകപ്പിന് ഇന്ന് ഓസ്ട്രേലിയയിൽ തുടക്കം. വെസ്റ്റൻഡീസും, ശ്രീലങ്കയും പങ്കെടുക്കുന്ന യോഗ്യത റൗണ്ട് പോരാട്ടങ്ങൾ ഇന്ന് ആരംഭിക്കും. ഓക്ടോബ‍ർ 23-നാണ് ഇന്ത്യ-പാകിസ്താൻ ഗ്ലാമ‍ർ പോരാട്ടം. ഓസ്ട്രേലിയൻ മണ്ണിൽ വിശ്വകിരീടത്തിനായി 16 ടീമുകളാണ് മത്സരിക്കുന്നത്. എട്ട് ടീമുകൾ പങ്കെടുക്കുന്ന ഗ്രൂപ്പ് പോരിൽ നിന്ന് 4 ടീമുകൾ സൂപ്പർ ട്വൽവിലേക്ക് എത്തും. രാവിലെ 9.30നും, ഉച്ചയ്ക്ക് 1.30, വൈകീട്ട് 4.30നുമാണ് മത്സരങ്ങൾ നടക്കുന്നത്. നവംമ്പ‍ർ 13-നാണ് കലാശപ്പോരാട്ടം.
