ജിദ്ദ: യു.ടി.എസ്.സി, ഗാര്‍ഡന്‍ ലൈറ്റ്സ്, മൈ ഓണ്‍ എന്നിവയുടെ ആഭിമുഖ്യത്തില്‍ തലശ്ശേരി മാഹി വെല്‍ഫെയര്‍ അസോസിയേഷന്‍ ജിദ്ദ (ടി.എം.ഡബ്ല്യു.എ) അംഗങ്ങള്‍ക്കായി നടത്തിയ നാനോ ക്രിക്കറ്റ് ടൂര്‍ണമെന്‍റില്‍ മക്ബൂല്‍ നയിച്ച പള്ളൂര്‍ നൈറ്റ് റൈഡേഴ്‌സ് ചാമ്പ്യന്മാരായി.
ഫൈനലില്‍ അജ്മല്‍ നയിച്ച മാഹി സ്ട്രൈക്കേഴ്സിനെയാണ് പള്ളൂര്‍ നൈറ്റ് റൈഡേഴ്‌സ് തോല്‍പിച്ചത്. ഫൈനലില്‍ മികച്ച ആള്‍റൗണ്ട് പ്രകടനം കാഴ്ചവെച്ച അസ്‌ലം മാന്‍ ഓഫ് ദ മാച്ച്‌ അവാര്‍ഡിന് അര്‍ഹനായി. ടൂര്‍ണമെന്‍റിലൂടനീളം മിന്നും പ്രകടനം കാഴ്ചവെച്ച പള്ളൂര്‍ നൈറ്റ് റൈഡേഴ്‌സിന്റെ അനസ് അസീസിയയെ ടൂര്‍ണമെന്‍റിലെ മികച്ച താരമായി തെരഞ്ഞെടുത്തു.ടൂര്‍ണമെന്‍റിലെ മികച്ച ബൗളറായി തംസീരിനെ തെരഞ്ഞെടുത്തു.
ടൂര്‍ണമെന്‍റില്‍ ആറു ടീമുകള്‍ പങ്കെടുത്തു. മൂന്നു ടീമുകളുള്ള രണ്ടു പൂളുകളിലായി അഞ്ച് ഓവര്‍ വീതമുള്ള രീതിയിലാണ് ടൂര്‍ണമെന്‍റ് സംഘടിപ്പിച്ചത്. ടി.വി. റിയാസ് ക്യാപ്റ്റനായ ധര്‍മടം സൂപ്പര്‍ കിങ്സ്, ഖാലിക്കിന്റെ നേതൃത്വത്തിലിറങ്ങിയ പള്ളിത്താഴെ ടാസ്‌കെഴ്സ്, അനസ് കൊച്ചുപള്ളി നായകനായ ചിറക്കര െഡയര്‍ ഡെവിള്‍സ്, ഫിറോസ് നയിച്ച സൈദാര്‍പള്ളി കിങ്സ് എന്നിവയാണ് ടൂര്‍ണമെന്‍റില്‍ പങ്കെടുത്ത മറ്റു ടീമുകള്‍.
വിജയികള്‍ക്കുള്ള ട്രോഫി പള്ളൂര്‍ ക്യാപ്റ്റന്‍ മക്ബൂല്‍, യു.ടി.എസ്.സി പ്രതിനിധി അശ്ഫാഖില്‍നിന്ന് സ്വീകരിച്ചു. രണ്ടാം സ്ഥാനക്കാര്‍ക്കുള്ള ട്രോഫി ഗാര്‍ഡന്‍ ലൈറ്റ്സ് പ്രതിനിധി റഫ്ഷാദ് സമ്മാനിച്ചു. ഷമീമിന്റെ ഖിറാഅത്തോടെ തുടങ്ങിയ പരിപാടി ടി.എം.ഡബ്ല്യു.എ ജിദ്ദ പ്രസിഡന്‍റ് വി.പി. സലീം ഉദ്ഘാടനം ചെയ്തു.
വ്യക്തിഗത ട്രോഫികളും മെഡലുകളും കെ.എം. അബ്ദുല്‍കരീം, എം.പി. അന്‍വര്‍, എ.കെ. അനീസ്, അര്‍ഷാദ് അച്ചാര്‍ത്ത്, നഷ്രിഫ്, അബൂബക്കര്‍, അബ്ദുല്‍ റാസിക്, സിയാദ് കിരാടാന്‍, കബീര്‍, നൗഷാദ് നൗബോയ്, ഫാസില്‍, ആഷിര്‍, മെഹഫുസ് എന്നിവര്‍ വിതരണം ചെയ്തു. സ്‌പോര്‍ട്‌സ് കണ്‍വീനര്‍ മനാഫ് ജി.കെ. നിര്‍ഷാദ്, നഷ്രിഫ്, സൂമറാദ്, റിജാസ് എന്നിവര്‍ സമ്മാനദാന ചടങ്ങുകള്‍ നിയന്ത്രിച്ചു. നിര്‍ഷാദ് നന്ദി പറഞ്ഞു.
