ദോഹ: ആഭ്യന്തര മന്ത്രാലയത്തിലെ പബ്ലിക് റിലേഷൻസ് വകുപ്പ് ജനറൽ ട്രാഫിക് ഡയറക്ടറേറ്റിന് കീഴിലുള്ള ട്രാഫിക് ബോധവൽക്കരണ വകുപ്പുമായി ചേർന്ന് ഇന്ത്യൻ കമ്മ്യൂണിറ്റിയിലെ അംഗങ്ങൾക്കായി “ഡ്രൈവർമാർക്കിടയിലെ പൊതു ഗതാഗത തെറ്റുകൾ” എന്ന വിഷയത്തിൽ വെർച്വൽ അവബോധ സെമിനാർ സംഘടിപ്പിക്കും. ഇന്ന് രാത്രി 9 മുതൽ രാത്രി 10.30 വരെ സൂം വീഡിയോ കോൺഫറൻസിംഗ് വഴിയാണ് പരിപാടി സംഘടിപ്പിക്കുന്നത്.
റോഡ് ഉപയോക്താക്കളിലും പൊതുജനങ്ങളിലും റോഡ് സുരക്ഷയെക്കുറിച്ച് അവബോധം വളർത്തുക എന്ന ലക്ഷ്യത്തോടെ “സുരക്ഷിത റമദാൻ ക്യാമ്പയ്‌നിന്റെ” ഭാഗമായ
സെമിനാറിൽ ട്രാഫിക് ഡിപ്പാർട്ട്‌മെന്റിലെ ഉദ്യോഗസ്ഥർ റെഡ് സിഗ്നൽ ക്രോസിംഗ്, സീറ്റ് ബെൽറ്റ് സുരക്ഷ, വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുന്നതിലെ അപകടസാധ്യതകൾ, സ്മാർട്ട് ട്രാഫിക് സിഗ്നലുകൾ, ഡ്രൈവിംഗ് സമയത്ത് കോവിഡ് -19 പ്രോട്ടോക്കോളുകൾ, 2020 ലെ ട്രാഫിക് സ്ഥിതിവിവരക്കണക്കുകൾ എന്നിവയുമായി ബന്ധപ്പെട്ട വിലപ്പെട്ട വിവരങ്ങൾ ചർച്ച ചെയ്യും.
വലതുവശത്ത് നിന്ന് മറികടക്കുക, ട്രാഫിക് നിരീക്ഷണ ക്യാമറകൾ, ചെറിയ അപകടങ്ങൾ, കവലകളിൽ മഞ്ഞ പെട്ടി, വേഗതയിൽ അപകടസാധ്യത, വിശുദ്ധ റമദാൻ മാസത്തിൽ സുരക്ഷിതമായി വാഹനമോടിക്കുന്നതിനുള്ള നുറുങ്ങുകൾ, സിഗ്നലുകളിൽ സുരക്ഷ, റോഡിലെ സുരക്ഷിത ട്രാക്ക്, കാൽനട സുരക്ഷ എന്നിവ ഈ വെർച്വൽ സെമിനാറിന്റെ പ്രധാന വിഷയങ്ങളാണ് .
ഖത്തറിലെ ഇന്ത്യൻ കമ്മ്യൂണിറ്റിയിലെ അംഗങ്ങൾക്ക് വേണ്ടി നടത്തുന്ന സെമിനാറിൽ, പൊതുജനങ്ങൾക്കും പങ്കെടുക്കാം. ഫസ്റ്റ് കം ഫസ്റ്റ് സർവീസ് അടിസ്ഥാനത്തിൽ 1000 പേർക്ക് മാത്രം സെമിനാറിലേക്കുള്ള പ്രവേശനം പരിമിതപ്പെടുത്തിയിട്ടുണ്ട്. ട്രാഫിക് ഡിപ്പാർട്ട്‌മെന്റിലെ ഉദ്യോഗസ്ഥരുമായി സംവദിക്കാനുള്ള അവസരമാണ് സെമിനാർ. ട്രാഫിക് സുരക്ഷയും ട്രാഫിക് ഡയറക്ടറേറ്റിന്റെ പ്രവർത്തനങ്ങളുമായി ബന്ധപ്പെട്ട വ്യക്തമായ സംശയങ്ങൾക്കും മറുപടി പറയും .
സൂം മീറ്റിംഗിന്റെ ലിങ്ക് : https://us02web.zoom.us/j/6186754109?pwd=Z2M0VmtGc1RjOTZ5OGxtakc4eWE3UT09, മീറ്റിംഗ് ഐഡി: 618 675 4109, പാസ്കോഡ്: 12345
ന്യൂസ് ഡെസ്ക് മീഡിയ വിങ്‌സ് ഖത്തർ
