ഓ ഐ സി സി സൗദി നാഷണൽ കമ്മിറ്റി പ്രസിഡന്റ് പി എം നജീബ് (55) നാട്ടിൽ അന്തരിച്ചു. കെ എസ്‌ യു വിലൂടെയും യൂത്ത്‌ കോൺഗ്രസിലൂടെയും സജീവമായി പ്രവർത്തിച്ച്‌ വന്ന അദ്ദേഹം സൗദി ഒഐസിസി പ്രസിഡണ്ട്‌ കൂടിയായിരുന്നു. പ്രവാസി ലോകത്ത് കോവിഡിനെതിരെജീവകാരുണ്യ പ്രവർത്തനങ്ങളിൽ സജീവമായിരുന്നു അദ്ദേഹം
അന്തരിച്ച കോൺഗ്രസ് നേതാവ് പി എം സാദിരിക്കോയയുടെ മൂത്ത മകനാണ്. ബേപ്പൂർ മണ്ഡലത്തിലെ കോൺഗ്രസ് സ്ഥാനാർത്ഥിയായിരുന്ന സഹോദരൻ പി എം നിയാസിന്റെ തെരഞ്ഞെടുപ്പ് പ്രചരണത്തിൽ സജീവമായി പങ്കെടുത്തു കൊണ്ടിരിക്കുന്നതിനിടയിൽ കോവിഡ് ബാധിച്ചു കോഴിക്കോട് മൈത്ര ആശുപത്രിയിൽ ചികിത്സയിലായിരുന്നു.
കഴിഞ്ഞ മൂന്നര പതിറ്റാണ്ടു കാലമായി ദമാമിൽ പ്രവാസിയായ ഇദ്ദേഹം കോണ്‍ഗ്രസ് അനുകൂല പ്രവാസി സംഘടനാ രൂപീകരിക്കുന്നതില്‍ നേതൃത്വപരമായ പങ്കു വഹിച്ചിരുന്നു. പി എം നജീബിന്റെ നിര്യാണത്തില്‍ പ്രവാസ ലോകത്ത് നിന്ന് അനുശോചന പ്രവാഹമാണ് വന്നുകൊണ്ടിരിക്കുന്നത്. പ്രവാസി ലോകത്ത് കോവിഡിനെതിരെ ജീവ കാരുണ്യ പ്രവർത്തനങ്ങളിൽ സജീവമായിരുന്നു അദ്ദേഹം.
.
