നിര്‍ത്തിയിട്ട സ്‌കൂട്ടര്‍ മോഷ്ടിച്ച് കടത്തിയ രണ്ടുപേരെ കൊടുവള്ളി പോലീസ് അറസ്റ്റ് ചെയ്തു. പുതുപ്പാടി ഈങ്ങാപ്പുഴ സ്വദേശി സഫ്‌വാന്‍, മലപ്പുറം കൊണ്ടോട്ടി കിഴക്കേയില്‍ ഡാനിഷ് മിന്‍ഹാജ് എന്നിവരാണ് പിടിയിലായത്. കൊടുവള്ളി മദ്രസാബസാര്‍ പിലാത്തോട്ടത്തില്‍ ഇജിലാന്റെ ആക്ടീവ സ്‌കൂട്ടറാണ് ഞായറാഴ്ച രാവിലെ കാണാതായത്. വാഹന പരിശോധനക്കിടെയാണ് പ്രതികള്‍ മോഷ്ടിച്ച സ്‌കൂട്ടറുമായി പോലീസിന്റെ പിടിയിലായത്. തുടര്‍ന്ന് പ്രതികളുടെ അറസ്റ്റ് രേഖപ്പെടുത്തി. കൊടുവള്ളി ഇന്‍സ്‌പെക്ടര്‍ ദാമോദരന്‍, എസ് ഐ മനോജ്, സി പി ഒ മാരായ അബ്ദുല്‍ റഷീദ്, ജയരാജന്‍, വിജീഷ് എന്നിവരടങ്ങിയ സംഘമാണ് കേസന്വേഷിക്കുന്നത്. താമരശ്ശേരി കോടതിയില്‍ ഹാജറാക്കിയ പ്രതികളെ 14 ദിവസത്തേക്ക് റിമാണ്ട് ചെയ്തു. പുതുപ്പാടി കൊട്ടാരക്കോത്ത് സ്വദേശിയാണ് രക്ഷപ്പെട്ടതെന്നാണ് സൂചന. ഇയാള്‍ക്കായി പോലീസ് അന്വേഷണം ആരംഭിച്ചു.
Trending Now
