കണ്ണൂര്‍: സ്കൂളില് നിന്നും ലാപ്ടോപ്പ് മോഷ്ടിച്ച സംഭവത്തില്‍ പ്രതികള്‍ പോലീസ് പിടിയില്‍. ഇരിട്ടി ഹയര്‍ സെക്കന്‍ഡറി സ്കൂളില് നിന്നും 26 ലാപ്‌ടോപ്പുകള്‍ മോഷ്ടിച്ച കേസിലെ പ്രതികളാണ് പിടിയിലായത്.
പാലയ്ക്കല്‍ ദീപു, സുഹൃത്ത് മനോജ് എന്നിവരാണ് അറസ്റ്റിലായത്. ഒരു വര്‍ഷം മുന്‍പ് ഇതേ സ്കൂളില് നിന്നും ലാപ്ടോപ്പ് മോഷ്ടിച്ച കേസിലെ പ്രതികളാണ് ഇവര്‍.
പ്രതികളില്‍ നിന്നും പോലീസ് 24 ലാപ്‌ടോപ്പുകള്‍ പിടിച്ചെടുത്തു. സംഭവത്തില്‍ കൂടുതല്‍ പ്രതികളുണ്ടെന്നും ഇവരെ പിടികൂടാന്‍ അന്വേഷണം ശക്തമാക്കിയെന്നും പോലീസ് അറിയിച്ചു.
