ആലപ്പുഴ: കായംകുളം കരീലക്കുളങ്ങരയില്‍ കാറും ലോറിയും കൂട്ടിയിടിച്ചു നാലുമരണം. ദേശീയപാതയില്‍ ഇന്നു പുലര്‍ച്ചെ 3.50 ഓടെയാണ് അപകടം.
കായംകുളം സ്വദേശികളായ ഐഷ ഫാത്തിമ (25), ഉണ്ണിക്കുട്ടന്‍ (20), റിയാസ് (27), ബിലാല്‍ (5) എന്നിവരാണു മരിച്ചത്. പരിക്കേറ്റ അജ്മി (23), അന്‍ഷാദ് (27 എന്നിവരെ വണ്ടാനം മെഡിക്കല്‍ കോളജില്‍ പ്രവേശിപ്പിച്ചു.
കാറില്‍ ആറുപേര്‍ ഉണ്ടായിരുന്നു എന്നാണ് ലഭിക്കുന്ന വിവരം. കായംകുളത്ത് നിന്ന് എറണാകുളത്തേക്ക് പോയ ഇന്നോവ കാര്‍ എതിര്‍ ദിശയില്‍ വന്ന ലോറിയുമായി കൂട്ടിയിടിക്കുകയായിരുന്നു.
ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു.
