നിലവിലെ ചികിത്സ ഫലപ്രദമാകുന്നില്ലെന്ന് ഡോക്ടർമാർ
മോസ്കോ ; കൊറോണ വൈറസിന്റെ പുതിയ വകഭേദം റഷ്യയിൽ കണ്ടെത്തിയതായി സൂചന . സ്പുട്നിക് വാക്സിൻ പുതിയ വകഭേദത്തെ നേരിടാൻ പര്യാപ്തമാണോ എന്ന് കണ്ടെത്താൻ പഠനങ്ങൾ തുടങ്ങിയതായി സ്പുട്നിക് വാക്സിൻ വികസിപ്പിച്ച ഗമാലേയ സെന്റർ മേധാവി അലക്സാണ്ടർ ജിന്റ്സ്ബർഗ് പറഞ്ഞു.
നിലവിൽ മോസ്കോയിൽ പുതിയ കൊറോണ കേസുകൾ വർദ്ധിക്കുന്നതിനെ കുറിച്ച് മോസ്കോ അധികൃതർ മുന്നറിയിപ്പ് നൽകിയതിനു പിന്നാലെയാണ് അലക്സാണ്ടർ ജിന്റ്സ്ബർഗിന്റെ പ്രസ്താവന. വാക്സിൻ ഫലപ്രദമാകുമെന്നാണ് തങ്ങൾ കരുതുന്നതെന്നും , പക്ഷേ പഠന ഫലങ്ങൾക്കായി കാത്തിരിക്കണം എന്നും ജിന്റ്സ്ബർഗ് പറഞ്ഞു.
