ടോക്യോ: വർഷങ്ങൾ നീണ്ട ഇന്ത്യയുടെ കാത്തിരിപ്പിന് ഒടുവിൽ നീരജ് ചോപ്രയിലൂടെ വിരാമം. അത്ലറ്റിക്സിൽ ഒരു മെഡലെന്ന ഇന്ത്യയുടെ സ്വപ്നം യാഥാർഥ്യമായി. ടോക്യ ഒളിമ്പിക്സ് ജാവലിൻ ത്രോയിലാണ് നീരജ് ചോപ്ര സ്വർണം നേടിയത്. അഭിനവ് ബിന്ദ്രക്ക് ശേഷം ഇതാദ്യമായാണ് ഇന്ത്യ ഒളിമ്പിക്സിൽ സ്വർണം നേടുന്നത്.
87.58 മീറ്റർ എന്ന ദൂരത്തേക്ക് ജാവലിൻ പായിച്ചാണ് നീരജിന്‍റെ മെഡൽ നേട്ടം. ആദ്യ ശ്രമത്തിൽ 87.03 ദൂരമാണ് നീരജ് കണ്ടെത്തിയത്. രണ്ടാം ശ്രമത്തിൽ നീരജ് ദൂരം മെച്ചപ്പെടുത്തി. പിന്നീടുള്ള ശ്രമങ്ങളിൽ 87.58 മീറ്റർ എന്ന ദൂരം മറികടക്കാൻ കഴിഞ്ഞില്ലെങ്കിലും ഇന്ത്യക്കായി ചരിത്ര മെഡൽ നീരജ് നേടുകയായിരുന്നു.
