മുക്കം: മുതിർന്ന കർഷകനൊപ്പം കർഷക ദിനാചരണം വേറിട്ടതാക്കി കൊടിയത്തൂർ പി.ടി.എം ഹയർ സെക്കണ്ടറി സ്കൂളിലെ സകൗട്ട്സ് ആൻഡ് ഗൈഡ്സ് വിദ്യാർത്ഥികൾ പ്രദേശത്തെ മുതിർന്ന കർഷകനും തൊണ്ണൂറ്റി ഒൻപതുകാരനുമായ പൂളതൊടി ആലി ഹസൻ ഹാജിയുമായാണ് വിദ്യാർത്ഥികൾ സംവദിച്ചത്.
കാർഷിക രംഗത്തെ ത്യാഗപൂർണ്ണമായ ഓർമ്മകളെ അദ്ദേഹം വിവരിച്ചു.പുതു തലമുറ കൂടുതൽ കൃഷിയിൽ വ്യാപൃതരാവണമെന്നും അദ്ദേഹം കൂട്ടി ചേർത്തു. ഹെഡ്മാസ്റ്റർ ജി സുധീർ കർഷകനെ ആദരിച്ചു. സ്റ്റാഫ് സെക്രട്ടറി നാസർ കരങ്ങാടൻ, പി.സി.അബ്ദുറഹിമാൻ, എം.ഷമീൽ, സി.മഹ്ജൂർ, നിസാം കാരശ്ശേരി, പി.രാജി, കെ.ഷറീന ,ടി.ഷുഹൈറ, കെ . നഷീദ, സംസാരിച്ചു
