സൗദി ദേശീയദിനം: ഇളവുകൾ പ്രഖ്യാപിച്ച് സൗദി എയർലൈൻസ്, ആഭ്യന്തര യാത്രാ സർവ്വീസുകൾക്ക് 92 റിയാൽ
റിയാദ്: സൗദി അറേബ്യയുടെ 92-ാം മത് ദേശീയദിനാചരണം പ്രമാണിച്ച്‌ സൗദി എയര്‍ലൈന്‍സ് ആഭ്യന്തര യാത്ര ടിക്കറ്റ് നിരക്കില്‍ ഇളവ് പ്രഖ്യാപിച്ചു.
ഒരു വശത്തേക്ക് 92 റിയാല്‍ മുതല്‍ സൗദിയിലെ വിവിധ നഗരങ്ങള്‍ക്കിടയില്‍ യാത്ര ചെയ്യാമെന്നാണ് വിമാന കമ്പനി പ്രഖ്യാപിച്ചിരിക്കുന്നത്.
സെപ്തംബർ 21- മുതല്‍ 23 വരെ സൗദിയ വെബ്സൈറ്റില്‍ നിന്നും ടിക്കറ്റ് എടുക്കുന്നവര്‍ക്കാണ് ആനുകൂല്യമുള്ളത്. അടുത്ത വര്‍ഷം ജനുവരി ഒന്ന് മുതല്‍ മാര്‍ച്ച്‌ 31 വരെയുള്ള തീയതിക്കുള്ളില്‍ ഇക്കോണമി വിഭാഗത്തിലെ ഗസ്റ്റ് ക്ലാസില്‍ യാത്ര ചെയ്യുന്നവര്‍ക്ക് മാത്രമാണ് ആനുകൂല്യം. നേരിട്ടുള്ള വിമാന സര്‍വീസിന് മാത്രമാണ് നിരക്കിളവ് ബാധകമാവുകയെന്നും സൗദി എയര്‍ലൈന്‍സ് അറിയിച്ചു.
