സീരിയല്‍ നടി അശ്വതി ബാബുവും ഭര്‍ത്താവും അമ്മയെയും മകനെയും വീടുകയറി ആക്രമിച്ചതിനെ തുടർന്ന് ഞാറയ്ക്കല്‍ പോലീസ് അറസ്റ്റ് ചെയ്തു. ഏതാനും ദിവസങ്ങള്‍ക്ക് മുമ്പായിരുന്നു ഇരുവരുടെയും വിവാഹം.ലഹരിക്കേസില്‍ ഉള്‍പ്പെടെ പ്രതിയായ അശ്വതി ലഹരി ഉപയോഗിച്ചിരുന്നെന്നും അത് ഉപേക്ഷിക്കുന്നതിനായി ചികിത്സ തേടിയിരുന്നെന്നും വെളിപ്പെടുത്തിയിരുന്നു.
സാമ്പത്തിക തർക്കത്തെ തുടർന്ന് നായരമ്പലം സ്വദേശി കിഷോറിനെയും അമ്മയെയും വീടുകയറി ആക്രമിച്ചെന്ന പരാതിയിലാണ് അറസ്റ്റ്. ഭവനഭേദനം, പൊതുസ്ഥലത്ത് അസഭ്യം പറയല്‍, ആയുധം ഉപയോഗിച്ചുള്ള ആക്രമണം തുടങ്ങിയ കുറ്റങ്ങള്‍ക്കുള്ള വകുപ്പുകള്‍ ഇവര്‍ക്കെതിരേ ചുമത്തിയിട്ടുണ്ട്. അശ്വതിയെയും ഭര്‍ത്താവിനെയും ഇന്ന് കോടതിയില്‍ ഹാജരാക്കും.
