ജയ്പൂര്‍| മൂന്ന് വയസ്സുകാരിയായ മകളെ ട്രെയിനില്‍ നിന്നും അമ്മയും കാമുകനും ചേര്‍ന്നു കൊലപ്പെടുത്തി.
രാജസ്ഥാനിലെ ശ്രീഗംഗാനഗറില്‍ വ്യാഴാഴ്ചയാണ് സംഭവം. കൊലപാതകത്തിനുശേഷം ഇവര്‍ കുട്ടിയുടെ മൃതദേഹം ട്രെയിനില്‍ നിന്നും വലിച്ചെറിയുകയായിരുന്നു. രാജസ്ഥാന്‍ സ്വദേശികളായ സണ്ണി, സുനിത എന്നിവരാണ് പ്രതികള്‍. സുനിത കുട്ടിയെ ശ്വാസം മുട്ടിച്ച്‌ കൊന്നശേഷം കാമുകന്റെ സഹായത്തോടെ ബെഡ്ഷീറ്റില്‍ പൊതിഞ്ഞു എന്നാണ് പൊലീസിന്റെ കണ്ടെത്തല്‍.
റെയില്‍വെ ട്രാക്കില്‍ നിന്നാണ് കുട്ടിയുടെ മൃതദേഹം പൊലീസ് കണ്ടെത്തിയത്. കുട്ടിയുടെ മൃതദേഹം കണ്ടെത്തിയതിനു പിന്നാലെ സുനിതയെ ചോദ്യം ചെയ്യലിനുവേണ്ടി പൊലീസ് വിളിച്ചു വരുത്തിയിരുന്നു. തുടര്‍ന്ന് സുനിത കുറ്റം സമ്മതിക്കുകയായിരുന്നു.
