റിയാദ്: റിയാദ് മെട്രോ പദ്ധതി സൗദി രാജാവ് സൽമാൻ രാജാവ് ബുധനാഴ്ച ഉദ്ഘാടനം ചെയ്തതായി സൗദി പ്രസ് ഏജൻസി റിപ്പോർട്ട് ചെയ്തു. റിയാദിലെ പൊതുഗതാഗത ശൃംഖലയുടെ നട്ടെല്ലായും നഗരത്തിലെ ഗതാഗത സംവിധാനത്തിൻ്റെ മുഖ്യ ഘടകമായും ഈ പദ്ധതി കണക്കാക്കപ്പെടുന്നതായി എസ്പിഎ പറഞ്ഞു.
സൽമാൻ രാജാവ് പ്രോജക്റ്റിനെക്കുറിച്ചുള്ള ഒരു ആമുഖ ചിത്രം കണ്ടു, റിയാദ് മെട്രോ പദ്ധതി അതിൻ്റെ അസാധാരണമായ രൂപകൽപ്പനയും സാങ്കേതിക സവിശേഷതകളും കൊണ്ട് വ്യത്യസ്തമാണ്.
176 കിലോമീറ്റർ ദൈർഘ്യമുള്ള ആറ് ട്രെയിൻ ലൈനുകളും നാല് പ്രധാന സ്റ്റേഷനുകൾ ഉൾപ്പെടെ 85 സ്റ്റേഷനുകളും ഉൾപ്പെടുന്ന ഒരു ശൃംഖല ഉൾക്കൊള്ളുന്നതാണ് റിയാദ് മെട്രോ. ലോകത്തിലെ ഏറ്റവും വലിയ ഡ്രൈവറില്ലാത്ത മെട്രോ പ്രോജക്ട് ആണ് റിയാദ് മെട്രോ
റിയാദ് സിറ്റിയിലെ പൊതുഗതാഗത പദ്ധതി, അതിൻ്റെ ട്രെയിൻ, ബസ് ഘടകങ്ങൾ, സൽമാൻ രാജാവിൻ്റെ പരിശ്രമത്തിൻ്റെ ഫലമാണെന്ന് തദവസരത്തിൽ സംസാരിച്ച കിരീടാവകാശി മുഹമ്മദ് ബിൻ സൽമാൻ പറഞ്ഞു. റിയാദിൻ്റെ വികസനത്തിനായുള്ള ഹൈക്കമ്മീഷൻ ചെയർമാനായിരിക്കുമ്പോൾ അദ്ദേഹത്തിൻ്റെ ഉൾക്കാഴ്ചയുടെ അടിസ്ഥാനത്തിലാണ് പദ്ധതി സാധ്യമായത്.
റിയാദ് മെട്രോ സൽമാൻ രാജാവ് ഉത്ഘാടനം ചെയ്തു
