ദോഹ: ഖത്തറില്‍ ഹൃദയാഘാതത്തെത്തുടർന്ന് തിരുവനന്തപുരം സ്വദേശിയായ യുവാവ് മരിച്ചു. കഴക്കൂട്ടം പള്ളിനട സ്വദേശിയാണ് മരിച്ച 21 കാരനായ യുവാവ്.ഖത്തർ ഇസ്‍ലാമിക് ഇൻഷുറൻസ് ഉദ്യോഗസ്ഥനും പ്രവാസി വെല്‍ഫെയർ പ്രവർത്തകനുമായ നസീ മൻസില്‍ നജിബ് ഹനീഫയുടെ മകൻ 21 കാരനായ റഈസ് നജീബ് ആണ് മരിച്ചത്. ചൊവ്വാഴ്ച രാവിലെയായിരുന്നു സംഭവം.
യു.കെയില്‍ നിന്നും എഞ്ചിനീയറിങ് ബിരുദം നേടി ഖത്തറിലെത്തിയ റഈസിന് ദുബൈയില്‍ നിന്നും പുതിയ ജോലിക്കുള്ള ഓഫർ ലെറ്റർ കിട്ടിയ അതേ ദിവസം തന്നെ മരണവും തേടിയെത്തുകയായിരുന്നു.
ഖത്തർ എനർജിയില്‍ ജോലിചെയ്യുന്ന സഹീന നജീബ് ആണ് മാതാവ്. സഹോദരങ്ങള്‍: ഫാഹിസ് നജീബ്, റൗദ നജീബ്. പ്രവാസി വെല്‍ഫെയർ തിരുവനന്തപുരം ജില്ലാ പ്രസിഡന്റ് നസീർ ഹനീഫ പിതൃസഹോദരനാണ്.പ്രവാസി വെല്‍ഫെയർ റിപാട്രിയേഷൻ വിങ്ങിന്റെ നേതൃത്വത്തില്‍ നടപടികള്‍ പൂർത്തിയാക്കിയ ശേഷം മൃതദേഹം നാട്ടിലെത്തിക്കും.
