കോഴിക്കോട്: തൂണേരിയില്‍ പൊള്ളലേറ്റ് ഗുരുതരാവസ്ഥയില്‍ ചികിത്സയിലായിരുന്ന വിദ്യാർത്ഥിനി മരിച്ചു. കൈതേരിപ്പൊയില്‍ കാർത്തിക (20) ആണ് മരിച്ചത്.ഇന്നലെ വൈകിട്ട് ആറ് മണിയോടെയാണ് കാർത്തികയെ വീട്ടിലെ കിടപ്പുമുറിയില്‍ ഗുരുതരമായി പൊള്ളലേറ്റ നിലയില്‍ കണ്ടെത്തിയത്.
ഉടൻതന്നെ നാദാപുരം സർക്കാർ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. പെണ്‍കുട്ടി സ്വയം തീ കൊളുത്തി ആത്മഹത്യ ചെയ്‌തുവെന്നാണ് പൊലീസിന്റെ പ്രാഥമിക നിഗമനം. മാഹി മഹാത്മാഗാന്ധി സർക്കാർ കോളേജില്‍ ബിഎസ്‌സി ഫിസിക്‌സ് രണ്ടാം വർഷ വിദ്യാർത്ഥിനിയാണ് കാർത്തിക.
