പാലക്കാട്: ഭാര്യയെ കാണാനില്ലെന്ന പരാതിയുമായി ഭർത്താവ്. പാലക്കാട് ജില്ലയിലെ വടക്കാഞ്ചേരിയിലാണ് സംഭവം. 30 കാരിയായ റജീനയെയാണ് ഈ കഴിഞ്ഞ തിങ്കളാഴ്ച മുതൽ കാണാതായത്.
കുട്ടികള്‍ക്കുള്ള പാഠ പുസ്‌തകം വാങ്ങാനെന്ന് പറഞ്ഞാണ് റജീന വീട്ടില്‍ നിന്നിറങ്ങിയതെന്ന് ഭർത്താവ് ചീക്കോട് സ്വദേശി സുല്‍ത്താൻ പറഞ്ഞു. വടക്കഞ്ചേരി പൊലീസിലാണ് ഇയാള്‍ പരാതി നല്‍കിയിരിക്കുന്നത്.
മൊബൈല്‍ ഫോണ്‍ എടുക്കാതെയാണ് റജീന വീട്ടില്‍ നിന്നിറങ്ങിയത്. 4,500 രൂപ മാത്രമാണ് കയ്യിലുണ്ടായിരുന്നത്. ഭാര്യയ്‌ക്ക് ചെറിയ മാനസിക പ്രശ്‌നങ്ങള്‍ ഉണ്ടായിരുന്നതായും സുല്‍ത്താൻ നല്‍കിയ പരാതിയില്‍ പറഞ്ഞിട്ടുണ്ട്. സംഭവത്തില്‍ റജീനയ്‌ക്കായുള്ള അന്വേഷണം നടത്തുകയാണെന്ന് പൊലീസ് അറിയിച്ചു.
