കൊച്ചി: എറണാകുളം കളമശ്ശേരിയില്‍ ആറ് വയസുകാരിയെ പീഡിപ്പിച്ചതായി പരാതി. ഇതരസംസ്ഥാന തൊഴിലാളികളുടെ മകളാണ് പീഡനത്തിന് ഇരയായത്.അയല്‍വാസിയായ യുവാവിനായി അന്വേഷണം തുടങ്ങി. കളമശ്ശേരി സ്വദേശിയായ ഇയാള്‍ ഒളിവിലാണ്.
യുവാവിന് പെണ്‍കുട്ടിയുടെ കുടുംബവുമായി അടുത്ത ബന്ധമുണ്ട്. ഇത് മുതലെടുത്താണ് അതിക്രമം നടത്തിയത്. പെണ്‍കുട്ടിയുടെ വീട്ടില്‍ വച്ചും യുവാവിന്റെ വീട്ടില്‍ വച്ചും ഒരു മാസത്തിനിടെ രണ്ട് തവണ പീഡിപ്പിച്ചു എന്നാണ് മാതാപിതാക്കള്‍ നല്‍കിയ പരാതിയില്‍ പറയുന്നു. ഇന്നലെ രാത്രിയാണ് പെണ്‍കുട്ടിയുടെ കുടുംബം കളമശ്ശേരി പൊലീസില്‍ പരാതിയുമായി എത്തിയത്. പെണ്‍കുട്ടിയുടെ വൈദ്യപരിശോധന ഇന്ന് കളമശ്ശേരി മെഡിക്കല്‍ കോളേജില്‍ നടക്കും.
