ഓമശ്ശേരി: മാനിപുരത്തുണ്ടായ വാഹനാപകടത്തിൽ പരിക്കേറ്റ് ചികിത്സയിലായിരുന്ന കോളേജ് വിദ്യാർത്ഥിനി മരണപ്പെട്ടു. താമരശ്ശേരി ചുങ്കം സ്വദേശി ഫാത്തിമ മിൻസിയ (20)യാണ് മരണപ്പെട്ടത്.
ഇന്നലെ രാവിലെ ഓമശ്ശേരി മാനിപുരത്ത് വച്ചായിരുന്നു അപകടം ഉണ്ടായത്. അപകടത്തില്‍ പൂനൂര്‍ സ്വദേശി ഫിദ ഫര്‍സാന പരിക്കേറ്റ് ചികിത്സയിലാണ്.
ഇരുവരും മാമ്പററ കെ എം സി ടി കോളേജ് വിദ്യാർത്ഥിനികളാണ്.
എതിര്‍ ദിശയിലെത്തിയ കാറില്‍ തട്ടി വിദ്യാര്‍ത്ഥികള്‍ സഞ്ചരിച്ച സ്കൂട്ടര്‍ സ്വകാര്യ ബസിന് മുന്നിലേക്ക് വീഴുകയായിരുന്നു. ഗുരുതരമായി പരിക്കേറ്റ ഫാത്തിമ മിൻസിയയെയും ഫിദ ഫര്‍സാനയെയും ഉടൻ തന്നെ ആശുപത്രിയില്‍ പ്രവേശിപ്പിച്ചിരുന്നു.
എന്നാല്‍ ഓമശേരിയിലെ സ്വകാര്യ ആശുപത്രിയില്‍ ചികിത്സയിലിരിക്കെ ഇന്ന് രാവിലെയാണ് ഫാത്തിമ മിൻസിയ മരിച്ചത്. മയ്യത്ത് നിസ്ക്കാരം ഇന്ന് വൈകിട്ട് 5.30-ന് കെടവുർ ജുമാ മസ്ജിദിൽ നടക്കും.
