കായലോട് : പറശ്ശിനി കടവ് ക്ഷേത്രത്തിൽ പോയി തിരിച്ചു വരവെ കുടും ബം സഞ്ചരിച്ച ഓട്ടോറിക്ഷ മറിഞ്ഞ് യുവതി മരിച്ചു. പൊന്ന്യം പറാങ്കുന്ന് ഉഷസ്സിൽ ടി വി ഗോപിനാഥൻ്റെ ഭാര്യ കെ വി സവിത (42) ആണ് മരണപ്പെട്ടത്. ഭർത്താവും മക്കളും കൂടി പറശ്ശിനി കടവ് ക്ഷേത്രത്തിൽ പോയി തിരിച്ചു വരുന്ന വഴി എരുവട്ടി പെനാങ്കി മെട്ടയിൽ വെച്ച് ചൊവ്വാഴ്ച വൈകിട്ടാണ് അപകടം ഉണ്ടായത്. കഴുത്തിന് ഗുരുതര പരുക്കു പറ്റിയ താണ് അപകട കാരണം. ഭർത്താവ് ഗോപിനാഥ് ആണ് ഓട്ടോറിക്ഷ ഓടിച്ചിരുന്നത്. രണ്ടു മക്കളും ഓട്ടോയിൽ ഉണ്ടായിരുന്നു. ഗൗരിയമ്മയുടെയും പരേതനായ പത്മനാഭൻ്റെയും മകളാണ്. മക്കൾ: സംയുക്ത(തലശ്ശേരി ബ്രണ്ണൻ കോളേജ് രണ്ടാം വർഷ ഡിഗ്രി വിദ്യാർത്ഥിനി), നൈപുണ്യ (തലശ്ശേരി ഗേൾസ് സ്ക്കൂൾ എട്ടാം ക്ലാസ് വിദ്യാർത്ഥിനി). സഹോദരങ്ങൾ: ഗീത, വസന്ത, ശശി, സജിത, സനിത
Mediawings:
