സൗദി: പാതി തളർന്ന് യുവാവ് സൗദിയിൽ കഴിയാൻ തുടങ്ങിയിട്ട് അഞ്ച് വർഷം ആയിരുന്നു. തിരുവനന്തപുരം വിതുര തൊളിക്കോട് സ്വദേശിയായ അബ്ദുൽ കരീം ആണ് സൗദിയിൽ നിയമ കുരുക്കിൽ കഴിഞ്ഞത്. എന്നാൽ ഒരു കൂട്ടം നന്മയുള്ള സാമൂഹിക പ്രവർത്തകരുടെ സഹായത്തോടെ ഇദ്ദേഹം ഇപ്പോൾ നാട്ടിലേക്ക് മടങ്ങി. രോഗം പാതി തളർത്തിയയെങ്കിലും വലിയ പ്രതീക്ഷയോടെയാണ് ഇദ്ദേഹം നാട്ടിലേക്ക് തുടർ ചികിത്സക്കായി എത്തുന്നത്. എഷ്യാനെറ്റ് ന്യൂസ് ആണ് വാർത്ത റിപ്പോർട്ട് ചെയ്യുന്നത്.
സ്വകാര്യ ബേക്കറിയിൽ ജീവനക്കാരനായി 21 വർഷം
സൗദിയിലെ റിയാദിൽ 21 വർഷമായി ജോലി ചെയ്തുവരുകയായിരുന്നു അബ്ദുൽ കരീം. ഒരു സ്വകാര്യ ബേക്കറിയിൽ ആണ് ഇദ്ദേഹം ജോലി ചെയ്തിരുന്നത്. ഇദ്ദേഹത്തിന്റെ തൊഴിലുടമ പെട്ടെന്ന് മരിക്കുകയും നാട്ടിൽ വരാൻ സാധിക്കാതെ നിയമ പ്രശ്നത്തിൽ കുടുങ്ങുകയായിരുന്നു. ഇഖാമ പുതുക്കാത്തതാണ് നാട്ടിലേക്കുള്ള ഇയാളുടെ യാത്രക്ക് തടസ്സമായത്. അതിന്റെ ഇടയിൽ രോഗം കൂടി. അദ്ദേഹം കൂടുതൽ ദുരിതത്തിലേക്ക് പോയി. ജൂലൈ 10ന് ആണ് അബ്ദുൽ കരീം പക്ഷാഘാതം പിടിപെട്ട് താമസസ്ഥലത്ത് കുഴഞ്ഞു വീണത്. റിയാദിലെ താമസസ്ഥലത്ത് ആണ് ഇദ്ദേഹം കുഴഞ്ഞു വീണത്. ഉടൻ തന്നെ സാമൂഹിക പ്രവർത്തകർ എത്തി റിയാദിലെ അൽഹയാത്ത് ആശുപത്രിയിൽ പ്രവേശിപ്പിച്ചു. എന്നാൽ വർഷങ്ങളായി ഇഖാമ പുതുക്കാത്തതെ സൗദിയിൽ കഴിയുന്നതിനാൽ ഇൻഷുറൻസ് ഉണ്ടായിരുന്നില്ല.
തലച്ചോറിൽ രണ്ട് മേജർ ശസ്ത്രക്രിയകൾ
സാമൂഹിക പ്രവര്‍ത്തകന്‍ ശിഹാബ് കൊട്ടുകാടിന്റെ നേതൃത്വത്തിൽ ആണ് ഇദ്ദേഹത്തിന്റെ ചികിത്സക്കായുള്ള സഹായങ്ങൾ ചെയ്തത്. അബ്ദുൽ കരീം ജോലി ചെയ്തിരുന്ന കമ്പനി മാനേജറുമായി സംസാരിച്ച് വേഗത്തിൽ മെഡിക്കൽ ഇൻഷുറൻസ് ലഭിക്കുന്നതിനുള്ള പേപ്പറുകൾ ശരിയാക്കി. പിന്നീട് തുടർചികിത്സക്ക് വേണ്ടിയുള്ള നടപടികൾ തുടങ്ങി. തലച്ചോറിൽ രണ്ട് മേജർ ശസ്ത്രക്രിയകൾ നടത്തി. രണ്ടാമത്തെ ശസ്ത്രക്രിയക്ക് ശേഷം തലയോട്ടിയുടെ ഒരു ഭാഗം വയറ്റിൽ സൂക്ഷിക്കുകയായിരുന്നു. ഇത് മൂന്ന് മാസത്തിന് ശേഷം മാത്രമേ യഥാർഥ സ്ഥാനത്തേക്ക് പുനഃസ്ഥാപിക്കാൻ പറ്റുകയുള്ളു. നാട്ടിലെത്തി കൂടുതൽ വിദഗ്ധ ചികിത്സ അബ്ദുൽ കരീമിന് ആവശ്യമാണ്. അതുകൊണ്ട് തന്നെയാണ് എത്രയും വേഗം നാട്ടിലെത്തിക്കാനുള്ള ശ്രമങ്ങൾ തുടങ്ങിയത്. ശിഹാബിന്റെ ഇടപെടലിൽ കാരണം പെട്ടെന്ന് വിസയുടെ കാര്യങ്ങൾ എല്ലാം ശരിയാക്കി.
സൗദി എയർലൈൻസ് വിമാനത്തിൽ നാട്ടിലേക്ക്
ഇദ്ദേഹം ജോലി ചെയ്യുന്ന കമ്പനി ഇദ്ദേഹത്തിന്റെ യാത്രാ ചെലവ് വഹിക്കാൻ തയ്യാറായി. കൂടാതെ സ്പോൺസറുടെ മകൻ നാട്ടിലെത്തി ചികിത്സിക്കാൻ വേണ്ടി ചെറിയൊരു സഹായവും നൽകി. കഴിഞ്ഞദിവസം സൗദി എയർലൈൻസ് വിമാനത്തിൽ ഇദ്ദേഹത്തെ നാട്ടിലേക്ക് എത്തിച്ചു. കൊട്ടാരക്കര കുന്നിക്കോട് സ്വദേശി ഷംനാദാണ് യാത്രയിൽ സഹായിയായി ഒപ്പം പോയത്. അബ്ദുൽ കരീമിനെ ആശുപത്രിയിൽ പ്രവേശിപ്പിച്ചത് മുതൽ നിരവധി സാമുഹിക പ്രവർത്തകരും അല്ലാത്തവരും സഹായത്തിനായി എത്തിയിരുന്നു.
