ഒമാനിലേക്കുള്ള സര്‍വീസുകള്‍ വര്‍ധിപ്പിച്ച്‌ എയര്‍ ഇന്ത്യ എക്സ്പ്രസ് . സലാല – കോഴിക്കോട് റൂട്ടിലാണ് ഇന്ത്യ എക്സ്പ്രസ് സര്‍വീസുകള്‍ വര്‍ധിപ്പിച്ചുള്ളത്.സര്‍വീസുകള്‍ ആഴ്ച്ചയില്‍ രണ്ട് ദിവസമാണ്.
ഞായര്‍, വ്യാഴം ദിവസങ്ങളിലാണ് സര്‍വീസ് നടത്തുന്നത്. ഇതിനായുള്ള ടിക്കറ്റ് ബുക്കിങ് ആരംഭിച്ചു. എയര്‍ ഇന്ത്യ എക്‌സ്പ്രസിന്റെ വെബ്‌സൈറ്റ് വഴിയും ട്രാവല്‍ ഏജന്‍സികള്‍ വഴിയും ടിക്കറ്റ് ബുക്ക് ചെയ്യാം. സലാലയില്‍ നിന്ന് രാവിലെ 10.55ന് പുറപ്പെടുന്ന വിമാനം വൈകുന്നേരം 4.15ന് കോഴിക്കോടെത്തും. തിരികെ ഇവിടെ നിന്നും പ്രാദേശിക സമയം രാവിലെ 7.25ന് പുറപ്പെടുന്ന വിമാനം പത്ത് മണിയോടെ സലാലയിലെത്തും. ഞായര്‍, വ്യാഴം ദിവസങ്ങളില്‍ ഇതേ ഷെഡ്യൂള്‍ തന്നെയാണ്. നിലവില്‍ 44 റിയാല്‍ മുതലാണ് ടിക്കറ്റ് നിരക്ക്. ദോഫാര്‍, അല്‍ വുസ്ത മേഖലകളില്‍ നിന്നുള്ള പ്രവാസികള്‍ക്ക് വലിയ ആശ്വാസമാണ് ഈ സര്‍വീസുകള്‍.
