സൗദിയില്‍ അല്‍ഹറമൈന്‍ ട്രെയിന്‍ സര്‍വിസ് മാര്‍ച്ച്‌ 31 മുതല്‍ പുനരാരംഭിക്കും.ട്വിറ്ററിലൂടെ അല്‍ഹറമൈന്‍ എക്സ്പ്രസ് ട്രെയിന്‍ ഓഫീസാണ് ഇക്കാര്യം അറിയിച്ചത്. കോവിഡ് മുന്‍കരുതലുകളുടെ ഭാഗമായി 2020 മാര്‍ച്ച്‌ 21 മുതലാണ് ട്രെയിന്‍ സര്‍വിസ് നിര്‍ത്തലാക്കിയത്.
ട്രെയിനില്‍ യാത്ര ചെയ്യാന്‍ ആഗ്രഹിക്കുന്നവര്‍ക്ക് അടുത്ത തിങ്കളാഴ്ച മുതല്‍ വെബ്സൈറ്റ് വഴി ഇലക്‌ട്രോണിക് ടിക്കറ്റ് ബുക്ക് ചെയ്യാനും ഇഷ്യൂ ചെയ്യാനും സാധിക്കുമെന്ന് അല്‍ഹറമൈന്‍ ട്രെയിന്‍ ഓഫീസ് വ്യക്തമാക്കി. മക്കയില്‍ നിന്ന് ജിദ്ദ വിമാനത്താവള സ്റ്റേഷന്‍, കിങ് അബ്ദുല്ല ഇക്കണോമിക് സിറ്റി വഴി മദീനയിലേക്കും തിരിച്ചും യാത്രക്കുള്ള ബുക്കിങ് നടത്താവുന്നതാണ്.
