കണ്ണൂർ : പ്രായപൂർത്തിയാകാത്ത പെൺകുട്ടിയെ തട്ടികൊണ്ടുപോയ കേസിലെ പ്രതിയെ കണ്ണൂർ സിറ്റി പോലീസ് അറസ്റ്റ് ചെയ്തു. മരക്കാർകണ്ടി സ്വദേശി റസൽ (27) ആണ് അറസ്റ്റിലായത്.
മുൻപ് ഒരു പോക്സോ അടക്കം നിരവധി കേസുകൾ പ്രതിക്കെതിരെ ഉണ്ട്. കഴിഞ്ഞ ദിവസം വീട്ടിലുണ്ടെന്ന രഹസ്യ വിവരത്തെ തുടർന്ന് സിറ്റി ഇൻസ്‌പെക്ടർ രാജീവ് കുമാറിന്റെ നിർദേശപ്രകാരം എസ്.ഐ പികെ സുമേഷ്, എസ്‌ഐ ബോസ് കൊച്ചുമലയിൽ, എഎസ്ഐ എം.അജയൻ, സിപിഒ ബൈജു തുടങ്ങിയവരുടെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്.
പ്രതിയെ റിമാൻഡ് ചെയ്തു. കൂടുതൽ അന്വേഷണം നടത്തുന്നതിന് കസ്റ്റഡിയിൽ വാങ്ങും.
