സ്കൂട്ടറിൽ തനിയെ യാത്ര ചെയ്യുന്ന യുവതികളെ ബൈക്കിൽ പിന്തുടർന്ന് ലൈംഗിക ഉദ്ദേശ്യത്തോടെ ആക്രമിക്കുന്നയാളെ പോലീസ് അറസ്റ്റ് ചെയ്തു. എടക്കര കൗക്കാട് ആലങ്ങാടൻ ശ്രീജിത്ത് (32) ആണ് പിടിയിലായത്.
സെപ്റ്റംബർ 13-ന് വീട്ടിലേക്ക് മടങ്ങുകയായിരുന്ന ആരോഗ്യപ്രവർത്തകയായ യുവതിയെ നാരോക്കാവ് മുരിങ്ങമുണ്ടയിൽ വെച്ച് ഇയാൾ ആക്രമിച്ചിരുന്നു.
യുവതി ബഹളംവെച്ചതിനെത്തുടർന്ന് ഇയാൾ രക്ഷപ്പെട്ടു. ചുങ്കത്തറ പുലിമുണ്ടയിൽ ഇതേ രീതിയിൽ മറ്റൊരു യുവതിയെയും ആക്രമിച്ചതായി പോലീസ് പറഞ്ഞു.
ഡിവൈ.എസ്.പി. സാജു കെ. അബ്രഹാമിന്റെ നിർദേശപ്രകാരം വഴിക്കടവ് പോലീസ് ഇൻസ്പെക്ടർ പി. അബ്ദുൾ ബഷീർ, എസ്.ഐ.മാരായ എം. അസൈനാർ, തോമസുകുട്ടി ജോസഫ്, സി.പി.ഒ.മാരായ അഭിലാഷ് കൈപ്പിനി, ആസിഫലി, ടി. നിബിൻ ദാസ്, ജിയോ ജേക്കബ്, എസ്. പ്രശാന്ത് കുമാർ, എം.എസ്. അനീഷ്. എന്നിവർ ചേർന്നാണ് ഇയാളെ പിടികൂടിയത്
