പുന്നപ്ര-വയലാർ സമരഭൂമിയിൽ പുഷ്പാർച്ചന നടത്തി സത്യപ്രതിജ്ഞയ്‌ക്കൊരുങ്ങി പിണറായി വിജയനും നിയുക്തമന്ത്രിമാരും. മുഖ്യമന്ത്രിക്കൊപ്പം മന്ത്രിസഭയിലെ എല്ലാ അംഗങ്ങളും മഹാമാരിക്കിടെ, കൊവിഡ് പ്രോട്ടോക്കോൾ പാലിച്ച് സമരഭൂമിയിൽ ആദരമർപ്പിക്കാനെത്തി.
നിയുക്ത സ്പീക്കർ എം.ബി രാജേഷ്, എൽഡിഎഫ് കൺവീനർ എ.വിജയരാഘവൻ എന്നിവർക്കൊപ്പം ആലപ്പുഴ എംപി എ.എം ആരിഫും ആലപ്പുഴയിലെ പാർട്ടി നേതാക്കളും ചടങ്ങിനെത്തിയിരുന്നു. കഴിഞ്ഞ വർഷങ്ങളിൽ സത്യപ്രതിജ്ഞാ ദിവസം വലിയ ജനപ്രവാഹം ഉണ്ടായിരുന്നിടത്താണ് ഇത്തവണ ആൾക്കൂട്ടമില്ലാതെ, എന്നാൽ ആവേശത്തോടെ രക്തസാക്ഷികളുടെ സമരഭൂമിയിൽ പുഷ്പചക്രം അർപ്പിച്ചു.
