കൊച്ചി: ബിഗ് ബോസ് താരം ജിന്റോയ്ക്കെതിരെ മോഷണ കുറ്റത്തിന് കേസെടുത്ത് പൊലീസ്. ബോഡി ബില്‍ഡിംഗ് സെന്ററില്‍ മോഷണം നടത്തിയെന്ന പരാതിയിലാണ് കേസ്.വിലപ്പെട്ട രേഖകളും 10000 രൂപയും മോഷണം പോയെന്നാണ് പരാതി. ജിന്റോ ജിമ്മില്‍ കയറുന്നതിന്റെ സിസിടിവി ദൃശ്യങ്ങള്‍ അടക്കം പരാതിക്കൊപ്പം പൊലീസിന് നല്‍കിയിട്ടുണ്ട്. ജിന്റോ ലീസിന് നല്‍കിയ ബോഡി ബില്‍ഡിംഗ് സെന്ററില്‍ നിന്നാണ് പണവും രേഖകളും മോഷ്ടിച്ചത്. ഡ്യൂപ്ലിക്കേറ്റ് താക്കോല്‍ ഉപയോഗിച്ചാണ് ജിന്റോ ജിം തുറന്നത്. പാലാരിവട്ടം പൊലീസാണ് കേസ് അന്വേഷിക്കുന്നത്.
മുൻപ്, ഇതേ യുവതി ജിന്റോയ്ക്ക് എതിരെ പീഡന പരാതി നല്‍കുകയും ചെയ്തിരുന്നു. കേസില്‍ ജിന്റോയെ അറസ്റ്റ് ചെയ്തിരുന്നു. എന്നാല്‍ പിന്നീട് ജിന്റോ ജാമ്യത്തില്‍ ഇറങ്ങി. അടുത്തിടെ ഹൈബ്രിഡ്‌ കഞ്ചാവ്‌ കേസുമായി ബന്ധപ്പെട്ടും ജിന്റോയെ ചോദ്യം ചെയ്തിരുന്നു.
