മലപ്പുറം: മലപ്പുറത്ത് താനൂരിൽ ദേവദാർ പാലത്തിൽ നിന്ന് ബസ് താഴേക്ക് മറിഞ്ഞ് അപകടം. തിരൂരിൽ നിന്ന് താനൂർ ഭാഗത്തേക്ക് പോവുകയായിരുന്ന സ്വകാര്യ ബസാണ് മറിഞ്ഞത്. അപകടത്തിൽ നിരവധി പേർക്ക് പരിക്കേറ്റതായാണ് വിവരം.
വൈകുന്നേരം ആറരയോടെയാണ് അപകടം ഉണ്ടായത്. റെയിൽവേ മേൽപ്പാലത്തിൽ മറ്റൊരു വാഹനത്തിന് സൈഡ് കൊടുത്തപ്പോൾ നിയന്ത്രണം വിട്ട് സ്വകാര്യ ബസ് മറിയുകയായിരുന്നു. ഗുരുതരമായി ആർക്കും പരിക്കേറ്റില്ലെന്നാണ് വിവരം.
പരിക്കേറ്റ ആളുകളെ സ്വകാര്യ ആശുപത്രിയിലേക്ക് മാറ്റിയിട്ടുണ്ട്. ക്രെയിൻ ഉപയോഗിച്ച് ബസ് ഉയർത്തി മാറ്റി.
