കേരള കാർഷിക സർവകലാശാലയുടെ തൃശ്ശൂർ വെള്ളാനിക്കരയിലെ കോളേജ് ഓഫ് കോ ഓപ്പറേഷൻ ആൻഡ് മാനേജ്മെന്റ് നടത്തുന്ന മാസ്റ്റർ ഓഫ് ബിസിനസ് അഡ്മിനിസ്ട്രേഷൻ (അഗ്രി ബിസിനസ് മാനേജ്മെന്റ്) [എം.ബി.എ.- എ.ബി.എം.] പ്രവേശനത്തിന് അപേക്ഷിക്കാം.
ഐ.സി.എ.ആർ. സംവിധാനത്തിലെ സ്റ്റേറ്റ് അഗ്രിക്കൾച്ചറൽ സർവകലാശാലകൾ/കല്പിത സർവകലാശാലകൾ എന്നിവയിൽ നിന്നുമുള്ള പ്രൊഫഷണൽ ബിരുദധാരികൾ, റഗുലർ സ്ട്രീമിൽ ഐ.സി.എ. ആർ./എ.ഐ.സി.ടി.ഇ./യു.ജി.സി. അംഗീകാരമുള്ള, ഇന്ത്യൻ/ വിദേശ സർവകലാശാലകളിൽ നിന്നുമുള്ള പ്രൊഫഷണൽ ബിരുദധാരികൾ ഉൾപ്പെടെയുള്ള ബിരുദധാരികൾക്ക് അപേക്ഷിക്കാം. യോഗ്യതാ പ്രോഗ്രാമിന്റെ അന്തിമഫലം കാത്തിരിക്കുന്നവർക്കും അപേക്ഷിക്കാം.
നവംബർ 2020-നും ഏപ്രിൽ 2021-നും ഇടയ്ക്ക് നടത്തിയ കെമാറ്റ്/സിമാറ്റ്/കാറ്റ് സ്കോർ ഉണ്ടായിരിക്കണം. അപേക്ഷ www.admissions.kau.in വഴി ജൂൺ അഞ്ച് വരെ നൽകാം. അപേക്ഷയുടെ പ്രിന്റ് ഔട്ട് ജൂൺ 14-നകം ലഭിക്കണം.
