അഹമ്മദാബാദ് : ഗുജറാത്തിലെ ഏറ്റവും നീളം കൂടിയ മേല്‍പ്പാലം ഉദ്ഘാടനം ചെയ്ത് മുഖ്യമന്ത്രി ഭൂപേന്ദ്ര പട്ടേല്‍.
പാലത്തിന്റെ അതിമനോഹരമായ രാത്രി കാഴ്ചയുടെ രാത്രിദൃശ്യങ്ങളും പുറത്തുവന്നിട്ടുണ്ട് . 230 കോടി രൂപ ചെലവില്‍ വഡോദര നഗരത്തില്‍ 3.5 കി.മീ. ലോംഗ് ജെന്‍ഡ സര്‍ക്കിള്‍ മുതല്‍ മനീഷ ചൗക്ക് വരെയാണ് ഫ്ലൈ ഓവര്‍ ഒരുക്കിയിരിക്കുന്നത്.
വിമാനത്താവളത്തില്‍ നിന്ന് നേരിട്ട് പാലത്തിന്റെ അതിര്‍ത്തിയില്‍ എത്തിയ മുഖ്യമന്ത്രി പൂജകള്‍ അര്‍പ്പിച്ച ശേഷം ഫലകം അനാച്ഛാദനം ചെയ്യുകയും , പാലം പൊതുജനങ്ങള്‍ക്കായി തുറന്നുകൊടുക്കുകയും ചെയ്തു
നഗരത്തിലെ ആദ്യത്തെ മേല്‍പ്പാലമാണിത്. ജെന്‍ഡ സര്‍ക്കിളില്‍ നിന്ന് ആരംഭിക്കുന്ന ഈ ഫ്ലൈ ഓവറിന് റേസ് കോഴ്‌സ്, അല്‍കാപുരി, ചക്ലി സര്‍ക്കിള്‍, ശിവമഹല്‍, റോക്ക്‌സ്റ്റാര്‍, ദീപാവലിപുര എന്നിവിടങ്ങളിലേക്ക് വഴികളുമുണ്ട്. 35,200 മെട്രിക് ടണ്‍ സിമന്റ് ഉപയോഗിച്ചാണ് പാലത്തിന്റെ നിര്‍മ്മാണം.
മേല്‍പ്പാലത്തില്‍ 148 തൂണുകള്‍ സ്ഥാപിച്ചിട്ടുണ്ട് .ജെന്‍ഡ സര്‍ക്കിള്‍ മുതല്‍ മനീഷ ചൗക്ക് വരെ 3.5 കിലോമീറ്റര്‍ വിസ്തൃതിയുള്ള ഈ ഫ്ലൈ ഓവര്‍ നഗരത്തിലെ മാത്രമല്ല, സംസ്ഥാനത്തെ തന്നെ ഏറ്റവും നീളമേറിയ നഗര മേല്‍പ്പാലമാണ്.
