റിയാദ്: റിയാദ് ഒഐസിസി പതിനാലാം വാർഷിക ആഘോഷ പരിപാടികളിൽ പങ്കെടുക്കാൻ റിയാദ് കിങ് ഖാലിദ് അന്താരാഷ്ട്ര വിമാനത്താവളത്തിൽ എത്തിച്ചേർന്ന പ്രശസ്ത സിനിമ പിന്നണി ഗായകൻ പ്രദീപ് ബാബുവിന് റിയാദ് ഒഐസിസി സെൻട്രൽ കമ്മിറ്റി ജനറൽ സെക്രട്ടറിമാരായ സുരേഷ് ശങ്കർ,നിഷാദ് ആലംകോട്,സക്കീർ ദാനത്ത്, നിർവാഹക സമിതി അംഗം ജയൻ കൊടുങ്ങല്ലൂർ എന്നിവർ ചേർന്നു സ്വീകരിച്ചു.
മലാസിലെ ഡ്യൂൺസ് ഇന്റർനാഷണൽ സ്കൂളിൽ ജനുവരി 31 വെള്ളിയാഴ്ച വൈകിട്ട് നടക്കുന്ന വാർഷിക ആഘോഷ പരിപാടിയുടെ ഉൽഘാടനം കെപിസിസി വർക്കിംഗ് പ്രസിഡന്റും നിയമസഭ അംഗവുമായ അഡ്വ: ടി സിദ്ദിഖ് നിർവ്വഹിക്കും. ചടങ്ങിൽ ഒഐസിസി നേതാക്കളും റിയാദിലെ സാമൂഹ്യ സാംസ്കാരിക
രംഗത്തെ നേതാക്കളും സമ്മേളനത്തിൽ സംബന്ധിക്കും.
