ഈ യുദ്ധത്തില്‍ ക്ഷമയാണ് ഏറ്റവും വലിയ ആയുധം’; മമ്മൂട്ടിയുടെ ശബ്ദത്തില്‍ കൊവിഡ് സന്ദേശം
കൊവിഡ് രണ്ടാം തരംഗം സംസ്ഥാനത്ത് അതീ ഭീകരമായ സാഹചര്യത്തില്‍ മലയാളത്തിന്റെ പ്രിയതാരം മമ്മൂട്ടിയുടെ ശബ്ദത്തില്‍ ഒരു കൊവിഡ് സന്ദേശം. കൊവിഡ് മുന്നണി പോരാളികള്‍ക്ക് വേണ്ടിയും നമ്മള്‍ ഓരോരുത്തര്‍ക്ക് വേണ്ടിയും നിയമങ്ങള്‍ പാലിക്കാമെന്ന് മമ്മൂട്ടി പറയുന്നു. ക്ഷമ കൊണ്ട് മാത്രമേ ഈ യുദ്ധത്തില്‍ ജയിക്കാന്‍ സാധിക്കുകയുള്ളു എന്ന് താരം ഓര്‍മിപ്പിക്കുന്നു.
മമ്മൂട്ടിയുടെ വാക്കുകള്‍:
ഇത് നിശബ്ദതയല്ല, തയ്യാറെടുപ്പിന്റെ ശബ്ദമാണ്. അടച്ചുപൂട്ടലിലൂടെ മാത്രമേ തുടച്ചുമാറ്റാനാകൂ കൊറോണയെ. വിശ്രമം ഇല്ലാതെ പരിശ്രമിക്കുന്ന യോദ്ധാക്കള്‍ക്ക് വേണ്ടി നമുക്ക് വേണ്ടി അനുസരിക്കും ഓരോ നിര്‍ദേശവും. ചെറിയ തെറ്റുകള്‍ ശത്രുവിന് വലിയ അവസരങ്ങള്‍ നല്‍കും. ഈ യുദ്ധത്തില്‍ ക്ഷമയാണ് ഏറ്റവും വലിയ ആയുധം.
മമ്മൂട്ടിയുടെ ശബ്ദത്തിലുള്ള ഈ കൊവിഡ് സന്ദേശ വീഡിയോ സമൂഹ മാധ്യമങ്ങളില്‍ ശ്രദ്ധേയമായി കഴിഞ്ഞു. നിര്‍മ്മാതാവ് ജോബി ജോര്‍ജ്, സംവിധായകന്‍ സന്തോഷ് വിശ്വനാഥ് ഉള്‍പ്പടെ സിനിമ മേഖലയില്‍ നിന്ന് നിരവധിപേര്‍ വീഡിയോ പങ്കുവെച്ചിട്ടുണ്ട്.
