5 ദിവസത്തില്‍ 248 മരണം, എട്ട് ജില്ലകളില്‍ ടിപിആര്‍ 25ന് മുകളില്‍
തിരുവനന്തപുരം: സംസ്ഥാനത്തെ എട്ട് ജില്ലകളില്‍ ടിപിആര്‍ 25ന് മുകളില്‍. മെയ് പകുതിയോടെ സംസ്ഥാനത്ത് കോവിഡ് രോഗവ്യാപനം തീവ്രമായേക്കും. 248 ജീവനുകളാണ് അഞ്ച് ദിവസത്തിന് ഇടയില്‍ കോവിഡ് എടുത്തത്.
ആലപ്പുഴ, തൃശൂര്‍, തിരുവനന്തപുരം, കോട്ടയം, പത്തനംതിട്ട, പാലക്കാട് എന്നീ ജില്ലകളില്‍ രോഗവ്യാപനം ഇനിയും രൂക്ഷമാവുമെന്നാണ് വിലയിരുത്തപ്പെടുന്നത്. 10.31 ആണ് സംസ്ഥാനത്ത് രോഗം സ്ഥിരീകരിക്കുന്നവരുടെ നിരക്ക്. ദേശിയ ശരാശരി 6.92,
ഈ സാഹചര്യത്തില്‍ ഒരാഴ്ച സമ്പൂർണ ലോക്ക്ഡൗണ്‍ പ്രഖ്യാപിക്കുന്നതിലേക്ക് സര്‍ക്കാര്‍ നീങ്ങിയേക്കും എന്നാണ് സൂചന. കോഴിക്കോട്, മലപ്പുറം, എറണാകുളം ജില്ലകളില്‍ 100 പേരെ പരിശോധിക്കുമ്പോൾ 30ലേറെ പേര്‍ക്കും രോഗം സ്ഥിരീകരിക്കുന്ന അവസ്ഥയാണ്.
