സിപിഎം 23-ാം പാർട്ടി കോൺഗ്രസ് കണ്ണൂരിൽ നടക്കും. മൂന്ന് ദിവസം നീണ്ടുനിന്ന സിപിഎം കേന്ദ്ര കമ്മിറ്റിയിലാണ് ഇത് സംബന്ധിച്ച് തീരുമാനമായത്.
ഒമ്പത് വർഷത്തിന് ശേഷമാണ് കേരളത്തിൽ സിപിഐ എം പാർട്ടി കോൺഗ്രസ് കേരളത്തിൽ നടത്താൻ തീരുമാനമാകുന്നത്. ഇതിന് മുമ്പ് കണ്ണൂരിൽ തന്നെ 2012ലാണ് അവസാനമായി സിപിഎം പാർട്ടി കോൺഗ്രസ് നടന്നത്. കേരള ഘടകം മുന്നോട്ട് വെച്ച നിർദേശം കേന്ദ്രകമ്മിറ്റി അംഗീകരിക്കുകയായിരുന്നു. കൃത്യമായ തീയതി പ്രഖ്യാപിച്ചിട്ടില്ലെങ്കിലും 2022 ഏപ്രിലായിരിക്കും പാർട്ടി കോൺഗ്രസ് നടത്തുക എന്നാണ് സൂചന. ഇതിന് മുമ്പ് എല്ലാ സംസ്ഥാന സമ്മേളനങ്ങളും പൂർത്തിയാക്കും.
