മമ്പാട് (മലപ്പുറം): കുഞ്ഞുങ്ങളെ മുറിയില്‍ പട്ടിണിക്കിട്ട് ക്രൂരത. ആറും മൂന്നും വയസ്സുള്ള കുട്ടികളെയാണ് മുറിയില്‍ പൂട്ടിയ നിലയില്‍ കണ്ടെത്തിയത്. സംഭവത്തില്‍ രക്ഷകര്‍ത്താക്കളായ തമിഴ്നാട് സ്വദേശികളെ പൊലീസ് കസ്റ്റഡിയിലെടുത്തു.
വിരുതാസലം സ്വദേശികളായ തങ്കരാജ്, സഹോദരി മാരിയമ്മ എന്നിവരാണ് കസ്റ്റഡിയിലായത്. തങ്കരാജിന്‍റെ ഭാര്യ മഹേശ്വരി നേരത്തെ മരണമടഞ്ഞിരുന്നു. തൊട്ടടുത്ത മുറിയില്‍ താമസിക്കുന്ന ബംഗാള്‍ സ്വദേശിയാണ് കുട്ടികളെ പൂട്ടിയിട്ടിരിക്കുന്ന വിവരം പുറത്തറിയിച്ചത്.
അവശരായ കുട്ടികള്‍ക്ക് കണ്ണ് തുറക്കാന്‍ പോലും കഴിയാത്ത സാഹചര്യമായിരുന്നു. നിലമ്പൂര്‍ പൊലീസ് സ്ഥലത്തെത്തിയിട്ടുണ്ട്. കുട്ടികളെ നിലമ്പൂര്‍ താലൂക്ക് ആശുപത്രിയില്‍ പ്രവേശിപ്പിച്ചു. വെള്ളവും ബിസ്കറ്റും മറ്റും നല്‍കിയതോടെയാണ് കുട്ടികളുടെ നില അല്‍പം മെച്ചപ്പെട്ടത്. ദമ്പതികളെ വിശദമായി ചോദ്യം ചെയ്യണമെന്ന് നാട്ടുകാര്‍ ആവശ്യപ്പെട്ടു.
മീഡിയ വിങ്സ് , മലപ്പുറം
