കോഴിക്കോട്: ചെന്നൈ എക്സ്പ്രസില്‍ നിന്ന് വന്‍ സ്ഫോടക ശേഖരം പിടികൂടി. 117 ജലാറ്റിന്‍ സ്റ്റിക്കുകള്‍, 350 ഡിറ്റണേറ്ററുകള്‍ എന്നിവയാണ് പിടികൂടിയത്. വെള്ളിയാഴ്ച പുലര്‍ച്ചെ ചെന്നൈ എക്സ്പ്രസ് കോഴിക്കോട്ട് എത്തിയപ്പോഴാണ് സ്ഫോടക വസ്തുക്കള്‍ കണ്ടെത്തിയത്.
സംഭവുമായി ബന്ധപ്പെട്ട് യാത്രക്കാരി കസ്റ്റഡിയിലായി. ട്രെയിനിലെ സീറ്റിനടിയിലാണ് സ്ഫോടക വസ്തുക്കള്‍ ഒളിപ്പിച്ചിരുന്നത്. പാലക്കാടുനിന്നുള്ള റെയില്‍വെ സുരക്ഷാ സേനയാണ് തെരച്ചില്‍ നടത്തിയത്. കസ്റ്റഡിയിലെടുത്ത യാത്രക്കാരിയെ ചോദ്യം ചെയ്തുവരികയാണ്.
