ഹൈദരാബാദ്> പ്രശസ്ത തെന്നിന്ത്യന്‍ സംവിധായകന്‍ കെ വിശ്വനാഥ് (92) അന്തരിച്ചു. ഹൈദരാബാദിലെ സ്വകാര്യ ആശുപത്രിയില്‍ ഇന്നലെ രാത്രിയായിരുന്നു അന്ത്യം.
ശങ്കരാഭരണം, സാഗര സംഗമം തുടങ്ങി തെലുങ്കിലും തമിഴിലും ഹിന്ദിയിലും സൂപ്പര്‍ഹിറ്റ് സിനിമകളെടുത്തു. അഞ്ച് തവണ നാഷണല്‍ അവാര്‍ഡിന് അര്‍ഹനായി.
1992ല്‍ രാജ്യം പത്മശ്രീ നല്‍കി ആദരിച്ചു. 2016-ല്‍ ചലച്ചിത്രമേഖലയ്ക്കുള്ള ഇന്ത്യയിലെ പരമോന്നത ബഹുമതിയായ ദാദാസാഹിബ് ഫാല്‍ക്കെ പുരസ്കാരത്തിന് അദ്ദേഹം അര്‍ഹനായി. സിനിമാ ലോകത്തിന് നല്‍കിയ മാതൃകാപരമായ സംഭാവനകള്‍ക്ക് 7 നന്തി അവാര്‍ഡുകള്‍ അദ്ദേഹം നേടിയിട്ടുണ്ട്. യാരടി നീ മോഹിനി, ലിംഗ, ഉത്തമ വില്ലന്‍ തുടങ്ങിയ ചിത്രങ്ങളില്‍ അഭിനയിച്ചിട്ടുമുണ്ട്.
