നേതൃത്വത്തിനെതിരെ വിമര്‍ശനുമായി യൂത്ത് കോണ്‍ഗ്രസ് സംസ്ഥാന സെക്രട്ടറി ഡോ. പി സരിന്‍. സ്ത്രീകളെ അഭിസംബോധന ചെയ്യാന്‍ കോണ്‍ഗ്രസ് തയാറാകണമെന്ന് ഡോ സരിന്‍ ഫേസ്ബുക്കില്‍ കുറിച്ചു.
കേരളത്തില്‍ സിപിഐഎം കഴിഞ്ഞ തിരഞ്ഞെടുപ്പിൽ ജയിച്ചത് കാര്യമായി സ്ത്രീകളുടെ വോട്ടുകൊണ്ടാണെന്നും സരിന്‍ പറഞ്ഞു. മുന്‍ മഹിളാ കോണ്‍ഗ്രസ് ദേശീയ അധ്യക്ഷ സുഷ്മിത ദേവ് പാര്‍ട്ടി വിട്ടതിനുപിന്നാലെയാണ് യൂത്ത് കോണ്‍ഗ്രസ് സംസ്ഥാന സെക്രട്ടറിയുടെ വിമര്‍ശനം. കേരളത്തില്‍ 5 മാസത്തിലേറെയായി ഒഴിഞ്ഞ് കിടക്കുന്ന മഹിളാ കോണ്‍ഗ്രസ്സ് അധ്യക്ഷ സ്ഥാനത്തു പകരം ആളെ കണ്ടെത്താൻ കഴിയാത്തതു അടക്കം നേതൃത്വം പരിഹാരം കാണേണ്ടതാണെന്നും അദ്ദേഹം അഭിപ്രായപ്പെട്ടു.
