മണിയാശാനോട് പറഞ്ഞത് പാഴ് വാക്കല്ലെന്ന് ഇ .എം.ആഗസ്തി തെളിയിച്ചു. തോൽവിക്ക് പിന്നാലെ ആഗസ്തി തല മൊട്ടയടിച്ചു.
ഇടുക്കി: പറഞ്ഞത് പാഴ് വാക്കല്ലെന്ന് ഉടുമ്പൻചോലയിലെ യുഡിഎഫ് സ്ഥാനാർഥി ഇ.എം.ആഗസ്തി തെളിയിച്ചു. തെരഞ്ഞെടുപ്പ് തോൽവിക്ക് പിന്നാലെ ആഗസ്തി തല മൊട്ടയടിച്ചു.എതിർ സ്ഥാനാർഥി എം.എം.മണിക്ക് 20,000 കടന്ന ഭൂരിപക്ഷം ലഭിച്ചാൽ തലമുണ്ഡനം ചെയ്യുമെന്ന് തെരഞ്ഞെടുപ്പിന് മുൻപേ ആഗസ്തി പ്രഖ്യാപിച്ചിരുന്നു. തെരഞ്ഞെടുപ്പിൽ 38,305 വോട്ടുകളുടെ ഭൂരിപക്ഷം നേടിയാണ് മണി വിജയിച്ചു കയറിയത്.
തെരഞ്ഞെടുപ്പിൽ തോൽവിയും ജയവും സാധാരണമാണെന്നും ആഗസ്തി തീരുമാനത്തിൽ നിന്നും പിന്മാറണമെന്നും ഫലപ്രഖ്യാപനത്തിന് ശേഷം എം.എം.മണി ആവശ്യപ്പെട്ടിരുന്നു.
Media wings:
