കേരളത്തിൻ്റെ സ്വന്തം കെഎസ്ആർടിസിയുടെ ഡബിൾ ഡക്കർ മാതൃകയിൽ ടൂറിസം കേന്ദ്രങ്ങളിൽ “ഫുഡി വീൽസ്” എന്ന പേരിൽ റെസ്റ്റോറന്റുകൾ ഒരുങ്ങുകയാണ്.
വൈക്കം കായലോരത്ത് ഒരുക്കിയ ഡബിൾ ഡക്കർ റെസ്റ്റോറൻ്റ് ഉടൻ ഉദ്ഘാടനം ചെയ്യും. ഇതേ മാതൃകയിൽ കേരളത്തിലെ 10 ടൂറിസം കേന്ദ്രങ്ങളിൽ ഡബിൾ ഡക്കർ റെസ്റ്റോറൻ്റ് ഒരുക്കാനാണ് പദ്ധതി .
ടൂറിസം വകുപ്പിൻ്റെ കീഴിലുള്ള കെടിഡിസിയുടെ നേതൃത്വത്തിൽ കെഎസ്ആർടിസി എൻജിനീയറിങ്‌ വിഭാഗമാണ് വൈക്കത്ത് ഭക്ഷണശാല നിർമ്മിച്ചത്. വൈക്കം കെഎസ്ആർടിസി ഡിപ്പോയിലെ ഉപയോഗശൂന്യമായ ബസ് രൂപമാറ്റം വരുത്തി ഡബിൾ ഡെക്കർ ആക്കുകയായിരുന്നു.
നാല്പത് ലക്ഷം രൂപ ചെലവഴിച്ച് ഏഴ് മാസം കൊണ്ടാണ് നിർമാണം പൂർത്തീകരിച്ചത്.
