ഹായിൽ: ഇന്ത്യ ഫ്രറ്റേണിറ്റി ഫോറം ഹായിൽ കേരള ചാപ്റ്ററിന്റെ ആഭിമുഖ്യത്തിൽ നടക്കുന്ന ഫ്രറ്റേണിറ്റി ഫെസ്റ്റ് 2022 ന്റെ ഭാഗമായി നടത്തിയ വടം വലി മൽസരം പ്രവാസികൾക്ക് ആവേശം പകർന്നു.
ബർസാൻ ദർബി സ്റ്റേഡിയത്തിൽ നടന്ന വടംവലി മത്സരത്തിൽ സിറ്റി സ്വീറ്റ്‌സ് ഹായിൽ ഒന്നാം സമ്മാനം നേടി. ദല്ല ഹായിൽ രണ്ടാം സ്ഥാനവും പെനാൽറ്റി ഷൂട്ടൗട്ട് മത്സരത്തിൽ ന്യൂ സ്റ്റാർ ഹായിൽ ഒന്നാം സ്ഥാനവും ബ്ലൂസ്റ്റാർ രണ്ടാം സ്ഥാനവും നേടി. ഫ്രറ്റേണിറ്റി ഫോറം ഹായിൽ പ്രസിഡൻറ് ഷമീം ശിവപുരം ചടങ്ങ് ഉദ്ഘാടനം ചെയ്തു. വടംവലി മത്സരത്തിൽ ഒന്നാം സ്ഥാനം നേടിയ ടീമിന് നിഹാസ് കല്ലമ്പലം സമ്മാനം വിതരണം ചെയ്തു. മത്സരത്തിൽ വിജയികളായവർക്കുള്ള ട്രോഫി ഇന്ത്യൻ സോഷ്യൽ ഫോറം ഹായിൽ പ്രസിഡന്റ് റഊഫ് ഇരിട്ടി വിതരണം ചെയ്തു. പ്രോഗ്രാം കൺവീനർ ഷാൻ പാങ്ങോട്, മൊയ്നുദീൻ എന്നിവർ ചടങ്ങിൽ സംസാരിച്ചു.
ഫോട്ടോ ക്യാപ്ഷൻ :
1. വടംവലി മത്സരത്തിലെ ജേതാക്കളായ സിറ്റി സ്വീറ്റ്‌സ് ഹായിലിന് ഇന്ത്യൻ സോഷ്യൽ ഫോറം ഹായിൽ പ്രസിഡന്റ് റഊഫ് ഇരിട്ടി ട്രോഫി നൽകുന്നു
2. ഹായിൽ ഫ്രറ്റേണിറ്റി ഫെസ്റ്റ് “വടം വലി ” മത്സരത്തിൽ പ്രോഗ്രാം കൺവീനർ ഷാൻ പാങ്ങോട് സംസാരിക്കുന്നു
