തൃശൂർ : തൃശൂരില്‍ വന്‍ ലഹരി മരുന്ന് വേട്ട. മാരക ലഹരിമരുന്നായ എംഡിഎംഎയുമായി രണ്ടു പേരെ പോലീസ് പിടികൂടി. കൊടുങ്ങല്ലൂര്‍ സ്വദേശി ചിറ്റലപറമ്പില്‍ ക്രിസ്റ്റി (22), പെരിഞ്ഞനം സ്വദേശി ഓത്തുപള്ളിപ്പറമ്പില്‍ സിനാന്‍(20) എന്നിവരെയാണ് അറസ്റ്റ് ചെയ്തത്.
കയ്പ്പമംഗലത്തു നിന്നുമാണ് ഇവരെ പിടികൂടിയത്. തൃശൂര്‍ റൂറല്‍ എസ്പി ജി. പൂങ്കുഴലിയുടെ നിര്‍ദേശപ്രകാരം കൊടുങ്ങല്ലൂര്‍ ഡിവൈഎസ്പി സലീഷ് എന്‍. ശങ്കരന്‍റെ നേതൃത്വത്തില്‍ ഓപ്പറേഷന്‍ ക്രിസ്റ്റല്‍ എന്ന പേരില്‍ പ്രത്യേക അന്വേഷണ സംഘത്തെ രൂപീകരച്ചിരുന്നു.
തുടര്‍ന്ന് നടത്തിയ പരിശോധനയിലാണ് ഇവരെ പിടികൂടിയത്. അറസ്റ്റിലായ ക്രിസ്റ്റിക്കെതിരെ മതിലകം, കയ്പമംഗലം സ്റ്റേഷനുകളിലായി മൂന്നുകേസുകള്‍ നിലവിലുണ്ട്.
