മദീനയില്‍ കനത്ത മഴ തുടരുന്നു. വെള്ളക്കെട്ടില്‍പ്പെട്ട വാഹനത്തിനുള്ളില്‍ കുടുങ്ങിയ നാലുപേരെ സിവില്‍ ഡിഫന്‍സ് രക്ഷപ്പെടുത്തി.മൂന്ന് പേരെ വാദി ബൈദാഅ്ല്‍ നിന്നും ഒരാളെ ഖൈബര്‍ താഴ്വരയില്‍ നിന്നുമാണ് രക്ഷപ്പെടുത്തിയത്. മേഖലയുടെ മിക്ക ഭാഗങ്ങളിലും രണ്ട് ദിവസമായി സമാന്യം നല്ല മഴയാണുണ്ടായത്.
പടിഞ്ഞാറന്‍ മേഖലയില്‍ മഴ തുടരുകയാണ്. മക്ക, ജിദ്ദ, തബൂക്ക് തുടങ്ങിയ മേഖലയില്‍ ബുധനാഴ്ചയും മഴയുണ്ടായി. മേഖലയിലെ ആകാശം മൂടിക്കെട്ടിയ നിലയില്‍ തുടരുകയാണ്വ്യാഴാഴ്ച രാവിലെ വരെ മഴ തുടരുമെന്നാണ് കാലാവസ്ഥ കേന്ദ്രം അറിയിച്ചത്. ഇതേ തുടര്‍ന്ന് വ്യാഴാഴ്ചയും മക്ക, ജിദ്ദ, ജമൂം, കാമില്‍, റാബിഖ്, ഖുലൈസ് എന്നിവിടങ്ങളിലെ വിദ്യാഭ്യാസ സ്ഥാപനങ്ങള്‍ക്ക് അവധി നല്‍കിയിട്ടുണ്ട്.
