കനത്ത മഴ തുടരുന്നതിനാല് കാസർകോട്, കണ്ണൂർ, കോഴിക്കോട്, മലപ്പുറം, വയനാട്, പാലക്കാട്, തൃശ്ശൂർ, എറണാകുളം, ഇടുക്കി, കോട്ടയം, പത്തനംതിട്ട ജില്ലകളിലെ എല്ലാ വിദ്യാഭ്യാസ സ്ഥാപനങ്ങള്ക്കും കളക്ടർമാർ തിങ്കളാഴ്ച അവധി പ്രഖ്യാപിച്ചു.
എറണാകുളം ജില്ലയില് ഓറഞ്ച് അലർട്ട് പ്രഖ്യാപിച്ച സാഹചര്യത്തില് പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും തിങ്കളാഴ്ച്ച ( ജൂണ് 16) അവധിയായിരിക്കും. അങ്കണവാടികള്ക്കും ട്യൂഷൻ സെന്ററുകള്ക്കും അവധി ബാധകമാണ്.
കോട്ടയം ജില്ലയിലെ വിദ്യാഭ്യാസ സ്ഥാപനങ്ങള്ക്കും നാളെ (ജൂണ് 16) അവധി പ്രഖ്യാപിച്ചു.പ്രൊഫഷണല് കോളേജുകളും അങ്കണവാടികളും ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്.
പത്തനംതിട്ടയിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. അങ്കണവാടികള് സ്കൂളുകള് പ്രൊഫഷണല്കോളേജുകള് ട്യൂഷൻ സെന്ററുകള് ഉള്പ്പെടെ മുഴുവൻ വിദ്യാഭ്യാസസ്ഥാപനങ്ങള്ക്കും അവധി ബാധകമാണ്.
ഇടുക്കി ജില്ലയില് കനത്ത മഴയും കാറ്റും തുടരുന്ന സാഹചര്യത്തില് പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ ജില്ലാ കളക്ടർ അവധി പ്രഖ്യാപിച്ചു. അങ്കണവാടികള്,മദ്രസകള്, ട്യൂഷൻ സെന്ററുകള്, ട്രെയിനിങ് ഇൻസ്റ്റിറ്റ്യൂട്ടുകള്, കേന്ദ്രീയ വിദ്യാലയം ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. എന്നാല് റസിഡൻഷ്യല് വിദ്യാഭ്യാസ സ്ഥാപനങ്ങള്ക്ക് അവധി ഉണ്ടായിരിക്കില്ല.നഷ്ടപെടുന്ന പഠന സമയം ഓണ്ലൈൻ ക്ലാസ്സുകള് ഉള്പ്പടെ നടത്തി ക്രമീകരിക്കുന്നതിന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കേണ്ടതാണെന്ന് കളക്ടറുടെ ഉത്തരവില് പറയുന്നു.
തൃശ്ശൂര് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാലയങ്ങള്, അങ്കണവാടികള്, നേഴ്സറികള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും തൃശ്ശൂര് ജില്ലാ കളക്ടർ അർജുൻ പാണ്ഡ്യൻ അവധി പ്രഖ്യാപിച്ചു. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
പാലക്കാട് ജില്ലയിലെ പ്രൊഫഷണല് കോളജുകള്, അങ്കണവാടികള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു.മുൻ നിശ്ചയിച്ച പരീക്ഷകള്ക്ക് അവധി ബാധകമല്ല.
മലപ്പുറം ജില്ലയിലെ പ്രൊഫഷണല് കോളെജുകള് ഉള്പ്പെടെ മുഴുവൻ വിദ്യാഭ്യാസ സ്ഥാപനങ്ങള്ക്കും നാളെ ജില്ലാ കളക്ടർ വി ആർ വിനോദ് അവധി പ്രഖ്യാപിച്ചു. മദ്റസകള്, ട്യൂഷൻ സെൻ്ററുകള്, അങ്കണവാടികള് എന്നിവക്കും അവധി ബാധകമാണ്. പരീക്ഷകള്ക്കും റസിഡൻഷ്യല് വിദ്യാഭ്യാസ സ്ഥാപനങ്ങള്ക്കും അവധി ബാധകമല്ല.
കോഴിക്കോട് ജില്ലയില് റെഡ് അലര്ട്ട് പ്രഖ്യാപിച്ച സാഹചര്യത്തില് സ്കൂളുകള്, അങ്കണവാടികള്, മദ്രസകള്, ട്യൂഷന് സെന്ററുകള് എന്നിവയ്ക്ക് അവധി പ്രഖ്യാപിച്ചു.
വയനാട് ജില്ലയില് റെഡ് അലർട്ട് പ്രഖ്യാപിച്ചിരിക്കുന്നതിനാലും കനത്ത മഴ തുടരുന്ന സാഹചര്യത്തിലും ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാലയങ്ങള്, അങ്കണവാടികള്, മതപഠന സ്ഥാപനങ്ങള്, ട്യൂഷൻ സെൻ്ററുകള്, സ്പെഷ്യല് ക്ലാസുകള് എന്നിവക്ക് നാളെ (16/06/2025) തിങ്കളാഴ്ച അവധി പ്രഖ്യാപിച്ചു. (റസിഡൻഷ്യല് സ്കൂളുകള്ക്കും റസിഡൻഷ്യല് കോളേജുകള്ക്കും ബാധകമല്ല) വിദ്യാർഥികള് ജലാശയങ്ങളിലും, പുഴകളിലും മറ്റും ഇറങ്ങരുതെന്നും കളക്ടർ മുന്നറിയിപ്പ് നല്കി.
കണ്ണൂർ ജില്ലയില് കനത്ത മഴ തുടരുന്ന സാഹചര്യത്തില് ജില്ലയിലെ സ്കൂളുകള്, അങ്കണവാടികള്, മതപഠന സ്ഥാപനങ്ങള്, ട്യൂഷൻ സെൻ്ററുകള് എന്നിവയ്ക്ക് ജൂണ് 16 തിങ്കളാഴ്ച (16/06/2025) ജില്ലാ കളക്ടർ അവധി പ്രഖ്യാപിച്ചു.
കാസർകോട് ജില്ലയിലെ കോളേജുകള്,പ്രൊഫഷണല് കോളേജുകള്, കേന്ദ്രീയ വിദ്യാലയങ്ങള്, ട്യൂഷൻ സെന്ററുകള്, മദ്രസകള്, അങ്കണവാടികള്, സ്പെഷ്യല് ക്ലാസുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ജൂണ് 16 തിങ്കളാഴ്ച അവധി പ്രഖ്യാപിച്ചതായി ജില്ലാ കളക്ടർ അറിയിച്ചിട്ടുണ്ട്.