അഡീഷനല്‍ സ്‌കില്‍ അക്വിസിഷന്‍ പ്രോഗ്രാം (അസാപ്) പാലയാട് സ്ഥാപിച്ച കേരളത്തിലെ ഏറ്റവും വലിയ കമ്യൂണിറ്റി സ്‌കില്‍ പാര്‍ക്ക് ഇന്ന് രാവിലെ 11.30ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. ഉന്നതവിദ്യാഭ്യാസ-സാമൂഹികനീതി വകുപ്പ് മന്ത്രി ഡോ. ആര്‍ ബിന്ദു അധ്യക്ഷയാവും. അസാപിന്റെ സേവനങ്ങള്‍ പൊതുസമൂഹത്തിന് കൂടി ലഭ്യമാകുക എന്ന ലക്ഷ്യത്തോടെ പൊതുസ്വകാര്യ പങ്കാളിത്തത്തോടെ നടപ്പിലാക്കുന്ന പദ്ധതിയാണ് കമ്യൂണിറ്റി സ്‌കില്‍ പാര്‍ക്ക്. ഇതിന്റെ ഭാഗമായി പാലയാട്ട് പൊതുവിദ്യാഭ്യാസ വകുപ്പ് നല്‍കിയ ഭൂമിയിലാണ് സ്‌കില്‍ പാര്‍ക്ക് നിര്‍മ്മിച്ചത്.
