കോട്ടയം: സമൂഹിക പ്രവർത്തക മേരി റോയ് അന്തരിച്ചു. 89 വയസായിരുന്നു. ഇന്ന് രാവിലെ 9.19 ഓടെയാണ് മരണം. കോട്ടയത്തെ കളത്തുപ്പടിയിലെ വീട്ടിൽ വെച്ചായിരുന്നു മരണം. എഴുത്തുകാരിയും ബുക്കർ പ്രൈസ് ജേതാവുമായ അരുന്ധതി റോയിയുടെ അമ്മയാണ് മേരി റോയ്.
കോട്ടയത്തെ പ്രശസ്തമായ പള്ളിക്കൂടം സ്കൂളിൻ്റെ സ്ഥാപകയായ മേരി റോയിയാണ് ക്രിസ്ത്യൻ പിന്തുടർച്ചവകാശ നിയമപ്രകാരം പിതൃസ്വത്തിൽ പെൺ മക്കൾക്കും തുല്യവകാശമുണ്ടെന്ന സുപ്രീം കോടതി വിധിക്ക് വഴിയൊരുക്കിയത് മേരി റോയിയുടെ ഇടപെടലാണ്.
ദീർഘനാളായി ആരോഗ്യ പ്രശ്നങ്ങളെ തുടർന്ന് ചികിത്സയിലായിരുന്നു. പെൺ മക്കൾക്കും പിതൃസ്വത്തിൽ ഉറപ്പുവരുത്തിയ വിധിക്ക് മേരിയുടെ പോരാട്ടം വഴിയൊരുക്കി. 1986ലാണ് സുപ്രീം കോടതി ചരിത്രപരമായ വിധി പ്രസ്താവിച്ചത്.
കോട്ടയത്ത് പ്രവർത്തിക്കുന്ന പള്ളിക്കൂടം സ്കൂളിൻ്റെ സ്ഥാപകയാണ് മേരി. 1933ൽ കോട്ടയത്തെ അയ്‌മനത്തായിരുന്നു ജനനം. മുത്തച്ഛൻ ജോൺ കുര്യൻ കോട്ടയത്തെ ആദ്യത്തെ സ്കൂളുകളിൽ ഒന്നായ അയ്‌മനം സ്കൂളിൻ്റെ സ്ഥാപകനാണ്.
