ന്യൂഡല്‍ഹി: ബോളിവുഡ് നാടോടി ഗാനങ്ങള്‍ പോലുള്ളവയ്ക്ക് ലോകത്തിന്റെ നാനാ ഭാഗങ്ങളിലും ആരാധകരുണ്ട്. അത്തരത്തില്‍ ഒരു വിഡിയോയാണ് സമൂഹ മാധ്യമങ്ങളില്‍ ഇടം പിടിച്ചിരിക്കുന്നത്. 1975ല്‍ പുറത്തിറങ്ങിയ എക്കാലത്തേയും ക്ലാസിക് ഹിറ്റായ ‘ഷോലെ’ എന്ന ചിത്രത്തിലെ ‘ജബ് തക് ഹേ ജാന്‍’ എന്നു തുടങ്ങുന്ന ഗാനത്തിന് ഒരു ഇറാനിയന്‍ വനിത ചുവടുവെച്ചും അഭിനയിച്ചും തകര്‍ക്കുന്നതാണ് വിഡിയോ.
സിനിമാഗാനം വെച്ച്‌ വെറുതെ നൃത്തംവെക്കുകയല്ല ഈ ആരാധിക ചെയ്യുന്നത്. ചിത്രത്തിലെ ഗാനരംഗം അതേപടി പുനരാവിഷ്‌കരിക്കാനാണ് ഇറാനിയന്‍ വനിതയും കൂട്ടുകാരും ശ്രമിക്കുന്നത്. ഹേമമാലിനി തകര്‍ത്തഭിനയിച്ച നടി ബസന്തിയായാണ് ആരാധിക നൃത്തം പുനരാവിഷ്‌ക്കരിച്ചിരിക്കുന്നത്.
ഗാനരംഗത്തിലേതുപോലെ അവര്‍ വില്ലന്‍ ഗബ്ബാര്‍ സിങ് മുതല്‍ നായകന്‍ വീരു വരെയുള്ള കഥാപാത്രങ്ങളായി മാറിക്കൊണ്ടാണ് നൃത്തം പുനരാവിഷ്‌കരിച്ചത്. എന്തായാലും വിഡിയോ നിമിഷനേരം കൊണ്ടാണ് വൈറലായത്. 3 ഭാഗങ്ങളായി ട്വിറ്ററിലിട്ട നൃത്തരംഗം നിരവധി പേരാണ് കണ്ട് അഭിപ്രായം രേഖപ്പെടുത്തിയത്.
